Marcos 6:3 - Kashibo-Kakataibo Biblia

³ Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Nukën 'Ibu Diosan ain unikama 'inan ain bana

³ Carpinteroishi ca ënëx 'icën, Marían tuá. Ax ca Jacobo 'imainun José 'imainun Judas 'imainun Simón aín xucën 'icën. Aín chirabacëcamaribi ca ënu nubë 'icën, ¿usa cat? —quiax canancëxa. Usai canani ca aín bana cuaisama tani ami nishacëxa.

Marcos 6:3 ပူးပေါင်းရင်းမြစ်များ

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Mateo 11:6

Usaquin canan camina, ꞌë ñui Nucën Papa Diosan xucëma ca ax ꞌicë quima, ax ꞌëmi sináncë unicamax ca chuámarua ꞌi cuëënia quixunribi Juan cai cuanti ꞌai —quixun ca Jesusan Juanën xucë unicama cacëxa.

Mateo 12:46

Jesusan anu ꞌicë unicama bana ñuixunmainun uxun ca ëmánxun aín tita ꞌimainun aín xucë́antun —Jesúsbë cananuna banacatsi —quixun anu ꞌicë uni cacëxa.

Marcos 15:40

Acama ꞌimainun ca xanu raíriribi ꞌuránxun isi niacëxa. Abë ca María Magdalena ꞌimainun María itsi, José ꞌimainun Jacobo itsi aín tita ꞌimainun Salomé caquin anëcë xanu axribi ꞌiacëxa.

Marcos 3:18

Raírinëx ca Andrés, Felipe, Bartolomé, Mateo, Tomás acama ꞌiacëxa. Bëtsix ca Alfeonën bëchicë, Jacobo, ꞌiacëxa. Raírinëx ca Tadeo ꞌimainun Simón, axa judíos unibun rabanan nëëti banacë, aribi ꞌiacëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 7:23

Usaquin canan camina, ꞌë ñui Nucën Papa Diosan xucëma ca ax ꞌicë quima ax ꞌëmi sináncë unicamax ca chuámarua ꞌi cuëënia, quixunribi Juan cai cuanti ꞌai —quixun ca Jesusan Juanën xucë unicama cacëxa.

Lucas 8:20

ꞌIcë atu isquin ca unin Jesús cacëxa: —Min titabë ca min xucë́antu ëman ꞌicën. Ca mi istisa tania.

Juan 14:22

Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix ꞌai quixun ismiquinbi an Nucën Papa Diosan bana cuacëma unicamaribi ismitima ꞌain?

Juan 6:42

quicancëxa: —¿Josénën bëchicë, Jesús, ama cara ënëx ꞌic? Nun cananuna aín tita ꞌimainun aín papa ꞌunan. ¿Uisacatsi cara —ꞌëx cana naínuax uan —quiax quin?

Hechos 1:13

Riquianx Jerusalénu bëbatancëx ca anua atux ꞌicë xubunu atsíanx manámia ꞌicë cata itsi anu cëñúruacëxa. Atux ca Pedro, Jacobo, Juan, Andrés, Felipe, Tomás, Bartolomé, Mateo, Alfeonën bëchicë Jacobo, Simón axa aín aintsin rabanan nëëcë, a ꞌimainun Jacobonën xucën Judas, acama ꞌiacëxa.

Hechos 12:17

Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

1 Corintios 1:23

A unicamaxa usa ꞌaínbi cananuna nun i curúsocënu matáscë Cristo, a ñuiquin unicama bana ñuixunin. A bananu nun unicama ñuixuncëbë ca judíos unicamax rabini, uisa ꞌaish caraisa Cristo i curúsocënu bamati ꞌicë quixun sinani, ami catamëisama tania. Usaía judíos unicama ꞌimainun ca judíosma unicaman —Diosan Bëchicë ca i curúsocënuax bamacëxa —quixun ñuiquin ꞌusania.

1 Corintios 9:4

—An ꞌën bana ñuixuncëxun cuacë unicaman ꞌë piti ꞌináncëxun ꞌën biti ca asábi ꞌicën.

Gálatas 1:19

Aribia Nucën ꞌIbu Jesusan aín bana ñuixunun caísa uni raíri isquinmabi cana Jacobo, Nucën ꞌIbu Jesusan xucën, ashi isacën.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.