Marcos 6:20 - Kashibo-Kakataibo Biblia

²⁰ Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.

Nukën 'Ibu Diosan ain unikama 'inan ain bana

²⁰ Herodías an ami nishquin 'amiti 'icëbi ca Herodesnën —Juan, ax ca mëní sinánñu 'aish upí uni 'icë —quixun sinani ami racuë́quin unínma 'aia quixun bërúancëxa. Usa 'ixun ca aín bana uisai cara quia quixun upí oquin cuaquinmabi an bana ñuia cuacëxa. Usa 'ain ca Herodíasnën Juan 'amiama 'icën.

Marcos 6:20 ပူးပေါင်းရင်းမြစ်များ

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

2 Reyes 13:14

Eliseo axa ꞌinsínkë ꞌaish ñutisa rakatan ka, Joás Israel unikaman ꞌapu ax a isi anu kuankëxa, kuanxun ka ꞌikúkin bitsi inkin kakëxa: —¡ꞌËn papa ꞌibusa ꞌikë kana mi nuibakin kain, mix kamina Israel suntárukamasamaira kushiira ꞌiakën ꞌia ꞌaíshbi kamina ësaira rakatan!

2 Reyes 6:21

Usai anu sirionën suntárukama bëbakë iskin ka Israel unikaman ꞌapun Eliseo ñukákëxa: —¿Ënë unikama kamabi rëtënun ꞌën suntárukama ꞌamiti kara uisa ꞌiti ꞌik?

Éxodo 11:3

Nukën ꞌIbun ka egipcio unikama Israel unibu nuibairanun sinánmiakëxa. Usa omainun ka faraón an ñu ꞌaxunkë unikamaribi Moisés ain bana tankin cha ꞌimiakëxa, usomainun ka Egiptonu ꞌikë unikamaribi ami rakuë́akëxa.

Ezequiel 33:32

Atun ka mix kikë bana a uníxa xanumi kantakin aín arpa mëkësokinshi ꞌaia. ꞌAínbi ka atun mix kikë banakama a kuakinbi mix kikësabiokin ꞌakanima.

Daniel 4:18

Ënëx ka ꞌapu Nabucodonosor ꞌixun ꞌën namákë ꞌikën. Usa ꞌain kamina mix Beltsasar ꞌixun bërí uisokin namákë kara ꞌën namákë ax ꞌikë kixun ꞌë ñuixunti ꞌain, uinu ꞌikë unínbi ka ꞌëx ꞌapu ꞌain, an ñu ꞌunánkëkama achúshinënbi ka ꞌën uisakin namákë kara ax ꞌikë kixun ꞌunánkëma ꞌikën, usa ꞌaínbi kamina Dios upíira ꞌain bëru ñunshinan ꞌakinkëxun min kuni ꞌë ñuixunti ꞌain kixun kaxa.

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Daniel 5:17

Kakëxunbi ka Danielnën ꞌapu kakëxa: —Mix kamina ꞌëmi ꞌinainshikatsi kikë min ñukama abëbi bërúti ꞌain, ꞌimainun kamina uinu ꞌikë bëtsi uni karamina min xubunu ꞌimitisa tani ñukama a ꞌinánti ꞌain. ꞌËn kana mixmi ꞌapu ꞌikë kënënu kuënëokë bana ax kara uisai kia mi ñuixunti ꞌain.

Mateo 14:5

Aín unicaman Juan ꞌanun ꞌamitisa tanquinbi ca camabi unían —Juan an ca Nucën Papa Dios quicë bana nu ñuixunia —quixun sináncë ꞌain —ꞌëmima nishcania —quixun sinánquin ꞌamiama ꞌicën.

Mateo 21:26

Nun nu —unían unicama nashiminun cacë ca Juan ꞌiacëxa —quixun cati, ꞌaíshbi cananuna ꞌapuma unicamami racuëtin. Acaman ca aín bana cuaquin —Nucën Papa Diosan ca asérabi aín bana unicama ñuixunun quixun Juan xuacëxa —quixun sinania.

Marcos 11:18

Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana ꞌunáncë unicamax Jesús ꞌacatsi quiax ꞌësë́nancëxa.

Marcos 4:16

Bëtsi bëtsi unix ca maparañu me bëxbá, anu nipacëcë ñu bëru asaribi ꞌicën. Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun bënë́nquinshi sinania.

Juan 5:35

Unían upí oquin isnuan bëánquibucë ꞌaínbi lamparínën pëcacësaribi oquin ca Juanën ꞌë ñuiquin uni bana ñuixuanxa. Usaquian ñuixuncëbë camina mitsux bënëtishi aín bana cuati cuëëan.

Hechos 2:12

Usai ꞌicëbë ca camáxbi ratuti sináncasmai canancëxa: —¿Uisa ꞌaish cara usa ꞌiti ꞌic?

Hechos 5:24

Policía quia cuati ca sacerdotenën cushicaman ꞌapu ꞌimainun anuxun Nucën Papa Dios rabiti xubunu ꞌicë guardianën ꞌapu ꞌimainun sacerdotenën cushicamax ratuti canancëxa: —¿Uisashi oquin cara ënë unin nu sináncasmamiti ꞌic?