Marcos 5:7 - Kashibo-Kakataibo Biblia

^7-8 Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Nukën 'Ibu Diosan ain unikama 'inan ain bana

^7-8 Usaria ca Jesusan ñunshin 'atima cacëxa: —Ñunshin 'atima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu 'icë, aín Bëchicë Jesús camina mix 'ain. ¿Uisati caramina 'ë ubíoin? Diosan cuamainun cana mi cain, 'ë tëmëramixunma ca 'at.

Marcos 5:7 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Mateo 26:63

Quixuan cacëxbi ca Jesús quiáma ꞌicën. Quiamoquin ca judíos sacerdotenën cushicaman ꞌapun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a ꞌain?

Mateo 4:3

Panancë ca ñunshin ꞌatimanën ꞌapun anu uxun ꞌatima ñu ꞌamicatsi quixun ësaquin cacëxa: —Asérabi Diosan Bëchicë ꞌixun ca ënë maxáxcama pán ꞌinun cat.

Mateo 8:29

Usa ꞌixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan ꞌaínbi caramina nu ubíoi uan?

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Marcos 14:61

Quixuan cacëxbi ca Jesús uisaíbi banama ꞌicën. Quiama oquin ca judíos sacerdotenën cushicaman ꞌapun amiribishi catëcëancëxa: —¿Mix caramina Cristo, Nucën Papa Dios anu nun rabicë, aín Bëchicë a ꞌain?

Marcos 3:11

Usaria isi aín bëmánon cuani rantin puruni tsóbuti munuma banaquin ca ñunshin ꞌatimanën ꞌibuacë unicaman ñunshin ꞌatimanën quimicëxun Jesús cacëxa: —Mix camina Diosan Bëchicë ꞌain.

Marcos 5:6

Usa ꞌaish ca ꞌuránxun mërabëtsini, abácuatsianx Jesús tanáin rantin puruni tsóbuacëxa.

Lucas 1:32

Ax ca uni itsisama ꞌiti ꞌicën. A ñui ca —Nucën Papa Dios manámi ꞌicë aín Bëchicë ca ax ꞌicë —quiax uni quiti ꞌicën. Nucën Papa Diosan ꞌimicëx ca aín rara David ꞌiásaribiti ax ꞌapu ꞌiti ꞌicën.

Lucas 4:34

—Jesús Nazaretnu ꞌicë, ¿min caina nu uisoti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë, a ꞌain.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Lucas 8:28

ꞌItsa oquian ñunshin ꞌatimanën ꞌamicëxun ñu ꞌaia ca unin uni itsi ubíoxunma ꞌanun aín manë risin nëacëxa. Usocëxbi ca manë risi tëcapabiani ñunshin ꞌatimanën ꞌimicëx anu uni ꞌicëma menu usabii ꞌicë ꞌaish cuancëxa. Usa ꞌaísha a mërai aín bëmánon rantin purúncëxun ca Jesusan ñunshin ꞌatima —ënë uninuax ca chiquit —cacëxa. Cacëx munuma cuëncë́nquin ca Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? ꞌË tëmëramixunma ca ꞌat.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Hechos 19:13

Nucën Papa Diosan ꞌamicëxuan Pablonën usoquin ꞌaia istancëxun ca an cuaínbëquini niquin uninua ñunshin ꞌatima chiquíncë judíos unicama raírinën, Nucën Papa Diosan ꞌamicëxuan Pablonën ꞌacësaribi oquin ꞌati sináncëxa. Usaquin sinánquin ca uninu ꞌicë ñunshin ꞌatima cacëxa: —Pablonëan unicama ñuixuncë Jesús an ꞌamicëxun cana mi cain, ënë uninuax ca chiquit —quixun.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Hebreos 7:1

Mitsux Abrahamnën rëbúnqui ꞌixun camina ꞌunanin, Melquisedec ax ca Salem cacë menu ꞌicë unicaman ꞌapu ꞌiacëxa. Ax ca sacerdote, an unicama Nucën Papa Dios manámi ꞌicë a ñucáxuncë ꞌiacëxa. Usa ꞌain ca bëtsi menu ꞌicë ꞌapucaman Abrahamnën xucënan bëchicë Lot cacë, aín nëtënu ꞌicë unicamabë ꞌacánanquin ñusmotancëxun aín ñucamacëñunbi ꞌitsa uni ꞌimainun xanu ꞌimainun tuáribi buáncëxa. Usoquin ꞌacë cuabiani aín unicama buani cuanxun ca Abrahamnënribi a suntárucama ñusmoxun abámianan anu ꞌicë ꞌapucaman buáncë unicamacëñun camabi ñu bitëcëancëxa. Bibiani cuantëcëni ca Abraham Melquisedecbë mëranancëxa. Abë mërananquin ca Melquisedecnën, Nucën Papa Diosan ca Abraham ꞌaquianxa quixun ꞌunanquin —an ca mi upí oquin sinánxunia —quixun caquin, a Nucën Papa Dios ñucáxuancëxa.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.

2 Pedro 2:4

Nucën Papa Diosan ca axa ꞌuchacë ángelcama aín ꞌucha tërë́nquinma aín nëtënua chiquínquin anúan an camabi uni isti nëtë utámainuan, anu atux tëmërai ꞌiti, bëánquibucënu manë risin tëcërëcacësa ꞌaish anubi ꞌinun ꞌimiacëxa.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

Judas 1:6

Angelcama raíri, axa Nucën Papa Diosan nëtënubi ꞌiti ꞌaíshbi anu ꞌiisama tancë cupí chiquía, ax ca anúan an camabi uni isti nëtë utámainuan bëánquibucënu uisatima manë risin tëcërëcacësa ꞌaish, anubi ꞌinun Nucën Papa Diosan ëan ꞌicën.

Apocalipsis 12:12

Ñunshin ꞌatimanën ꞌapu a Nucën Papa Diosan aín nëtënua chiquíncë ꞌain, camina a nëtënu ꞌicëcama, mitsux cuëënti ꞌain. Mitsu usaquin canan cana axa menu ꞌicëcama ꞌimainun axa parúnpapanu ꞌicëcama ësaquin cain: Nucën Papa Diosan aín nëtënua chiquíncë ꞌaish ca ñunshin ꞌatimanën ꞌapu ꞌaisamairai nishaxa, anun an ñu ꞌati nëtë ca ꞌitsama ꞌicë quixun ꞌunani. Nishquian ñu ꞌacëbëtan camina ꞌaisamaira masá nuituquin tëmërati ꞌain.