Marcos 4:7 - Kashibo-Kakataibo Biblia

⁷ Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.

Nukën 'Ibu Diosan ain unikama 'inan ain bana

⁷ Raírinëx ca muxañu menu nipacëaxa. Nipacëax coi ca 'iruaxa. 'Iruxunbi ca muxan abë coquin mapurucëxun tuacëma 'icën.

Marcos 4:7 ပူးပေါင်းရင်းမြစ်များ

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 13:7

Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.

Mateo 13:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raírinëx aín bimi ꞌitsaira, cien ꞌiaxa, raírinëxribi ca aín bimi ꞌitsa, sesenta ꞌiaxa, raírinëxribishi ca aín bimi ꞌitsamashi, treintaishi ꞌiaxa.

Marcos 4:6

Coóxbi ca uruquian barin xarocëx aín tapun ꞌaíma ꞌain, chushiaxa.

Marcos 4:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raíri aín bimi ꞌitsamashi, treintaishi ꞌiaxa, raírinëxribi ca aín bimi ꞌitsa, sesenta, ꞌiaxa, raírinëxribishi ca aín bimi ꞌitsaira, cien, ꞌiaxa.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Lucas 8:14

Muxañu menua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan ꞌitsa ñuñu ꞌaish cuëënti sinani, ñu bërúxa me chucu muxañu menuax aín bimi upiti pëcë́cëma, usaribi a unicama ꞌicën.

Lucas 8:7

Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.