Marcos 4:34 - Kashibo-Kakataibo Biblia

³⁴ Bëtsi banánma ca usoquinshi Jesusan unicama ñuixuancëxa, ꞌixunbi ca aín ꞌunánmicë unicama abëa ꞌicë uisai quicë cara a banacama ꞌicë quixun ꞌunánmiacëxa.

Nukën 'Ibu Diosan ain unikama 'inan ain bana

³⁴ Bëtsi banánma ca usoquinshi Jesusan unicama ñuixuancëxa, 'ixunbi ca aín 'unánmicë unicama abëa 'icë uisai quicë cara a banacama 'icë quixun 'unánmiacëxa.

Marcos 4:34 ပူးပေါင်းရင်းမြစ်များ

Mateo 13:34

Usoquin ca Jesusan bana itsi ñuicësoquin bëtsi bëtsi ñu ñuiquin anu ꞌicë unicama bana ñuixuancëxa. Bëtsi banánma usoquinshi ca bana ñuixuancëxa.

Marcos 4:10

Usaquin cacë́xa raíri unicama cuancëbë atux bërúxun ca a rapasu ꞌicë unicamabëtan aín ꞌunánmicë unicaman Jesús cacëxa: —Uisa cupí caramina bana itsi ñuicësoquin unicama bana ñuixuni quixun camina nu cati ꞌain.

Marcos 4:33

Usoquin ca ꞌitsa oquin Jesusan bana itsi ñuicësoquin anu ꞌicë unicaman cuaisabi oquin bana ñuixuancëxa.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Juan 10:6

Usaquin caquian —an carnero bërúancë unisaribi cana ꞌëx ꞌai —quixun caquin Jesusan ꞌunánmisa tancëxunbi ca anu ꞌicë unicaman uisai quicë cara a bana ꞌicë quixun cuama ꞌicën.

Juan 16:25

Canan ca ësaquinribi Jesusan cacëxa: —Bëtsi ñu ñuicësoquin cana ꞌën ꞌunánmisa tancë banacama mitsu ñuixuan. Usa ꞌaínbi cana ꞌitsama nëtë ꞌicëbëtan bëtsi ñu ꞌacësoquin ñuiquinma upí oquin cuaquinmi ꞌunánun Nucën Papa Dios ñuiquin mitsu ñuixunti ꞌain.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.