Marcos 4:2 - Kashibo-Kakataibo Biblia

² Bucubucë ca Jesusan ꞌitsa bana ꞌunánmiacëxa. ꞌUnánmiquin ca bana itsi ñuicësoquin ñuiquin ësaquin cacëxa:

Nukën 'Ibu Diosan ain unikama 'inan ain bana

² Bucubucë ca Jesusan 'itsa bana 'unánmiacëxa. 'Unánmiquin ca bana itsi ñuicësoquin ñuiquin ësaquin cacëxa:

Marcos 4:2 ပူးပေါင်းရင်းမြစ်များ

Mateo 13:10

A bana ñuixuncëxun ca aín ꞌunánmicë unicaman Jesús nëbë́tsioraxun ñucácëxa: —¿Uisacasquin caramina bana itsi ñuicësoquin ënë unicama bana ñuixunin?

Mateo 13:3

Bucubucë ca Jesusan ꞌitsa bana ꞌunánmiquin bana itsi ñuicësoquin ñuiquin ësaquin cacëxa: —An ñu bëru ꞌapácë uni ca aín naënu ꞌapáquin ñu bëru sacai cuanxa.

Mateo 7:28

An xuá ꞌixun ca Jesusan Nucën Papa Diosan cushínbi bana ñuixuancëxa. An Moisésnën cuënëo bana ꞌunáncë unicaman banasamaira ca Jesusan bana ꞌiacëxa. Jesusan bana ñuixunquin sënë́oncëbë ca an aín bana cuacë unicama ratuti —usa bana cuacëma cananuna ꞌain —quiacëxa.

Marcos 10:1

Capernaúmnuax cuanx ca Jesús Judea me, Jordán cacë baca ꞌucë manan, Perea cacë, bëbacëxa. Usaxun ca anua ꞌaisamaira uni timë́tëcënia an ꞌacësabi oquin bana ñuixuancëxa.

Marcos 12:1

Bana itsi ñuicësoquin ca Jesusan, a usoquin unin ꞌati ñuiquin, ënë banaribi ꞌapucama ñuixuancëxa: —Ësa ca. Achúshi unin ca aín naënu uvas ꞌapáxa. ꞌApáxun cënëtancëxun ca anuxun uvas baca biti xaxu quinioquin naëaxa. ꞌAnan ca anuxun naë bërúanti xuburibi manámiira chaioruquin ꞌaxa. ꞌAtancëxun bëtsi uni aín naëa bërúanxunun quixun ami ëbiani ca ꞌura ꞌicë menu ꞌi cuanxa.

Marcos 12:38

Cuatia ca bana ñuixunquin Jesusan ësaquin atu cacëxa: —An usaía judíos unicama ꞌinun Moisésnën cuënëo bana ꞌunáncë unicamax ꞌicësaribiti camina ꞌitima ꞌain. Atux ca chupa chaxcë́ pañuax niti cuëëanan anuxun ñu marucë anuxuan unin —ax ca nun cushi ꞌicë —quixun sinánquin mëcën ꞌinánquin biti cuëënia.

Marcos 3:23

Ax ca ñunshin ꞌatimañu ꞌicë quiáxa Jerusalénuax ucë unicama quia cuaxun ca Jesusan cuënxun cacëxa: —¿Uisa ꞌaish cara Satanás axbi: Ca chiquit, quiti ꞌic?

Marcos 4:11

Cacëxun ca Jesusan cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi cana uni raíri ꞌëmi sinántisama tancë cupí bana itsi ñuicësoquin bana ñuixunin.

Marcos 4:3

—Ca cuat, ꞌën mitsu ñuixunmainun. An ñu bëru ꞌapácë uni ca aín naënu ꞌapáquin ñu bëru sacai cuanxa.

Juan 18:19

Usa ꞌain ca judíos sacerdotenën cushicaman ꞌapuira an, ui cara isa aín ꞌunánmicë unicama ꞌicë canan uisa bana cara isa ꞌunánmiaxa quixun ꞌunáncatsi quixun Jesús ñucácëxa.