Marcos 4:19 - Kashibo-Kakataibo Biblia

¹⁹ —a bana quicësabi oi cana ꞌiti ꞌai —quixun sinania. Usaquin sinánquinbi ca atun ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan bana sináncëxbi ñu bëru ꞌapácëa coiabi chucun mapurucë usaribi ꞌaish bimiñumasa ꞌia.

Nukën 'Ibu Diosan ain unikama 'inan ain bana

¹⁹ —a bana quicësabi oi cana 'iti 'ai —quixun sinania. Usaquin sinánquinbi ca atun ënë menu 'icë ñuishi sinánan —'itsa ñuñu 'aish cana cuëënti 'ai —quixun sinani 'itsa ñuñu 'iisa tanan bëtsi ñuribi cuëënia. Usa 'aish ca Nucën Papa Diosan bana sináncëxbi ñu bëru 'apácëa coiabi chucun mapurucë usaribi 'aish bimiñumasa 'ia.

Marcos 4:19 ပူးပေါင်းရင်းမြစ်များ

Proverbios 23:4

Ñuñu ꞌiti sinani kamina ꞌitsaira ñu mëi tëmëratima ꞌain; usai ꞌikinma kamina ꞌitsairami sinánkë a ënti ꞌain.

Proverbios 23:5

Usa ꞌain ka upíokin min iskë ax bënëtishi tëtëkamë ꞌëo aín pëchi, ꞌirui nuankiani kuankë usaribi ꞌinun nëtë́tia.

Isaías 5:2

ꞌAnan ka meribi anu ꞌapáti buinakin anu ꞌikë maxákamaribi timëkin bukuntankëxun, anu ñu bëru upíbu kamaishi ꞌapákëxa. ꞌAtankëxun ka ñu bëru ꞌapákë a nëbëtsi achúshi torre chaiorukin ꞌanan, anuxun uvas ꞌapákë aín baka biti aribi mëníokëxa. ꞌËn ꞌunánkë unin ka an ꞌapákë uvaskama bataira ꞌitánun tuati kaíankëxa, ꞌaínbi ka uvas ꞌapákëkama an aín bimi kacha ꞌinun tuakëxa.

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 19:23

Usoquin cacë́xa cuancëbëtan ca Jesusan aín ꞌunánmicë unicama cacëxa: —ꞌËn cana asérabi micama cain, ꞌaisamaira ñuñu unix ca ainan ꞌiti ꞌaíshbi ñuñu ꞌitishi sinani Nucën Papa Diosnan ꞌitima ꞌicën.

Mateo 3:10

Ca ësa ꞌicën. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Marcos 4:18

Muxañu menua nipacëcë ñu bëru usaribi ca bëtsi bëtsi uni ꞌicën. A unicaman ca Nucën Papa Diosan bana cuaquin,

Lucas 10:41

Cacëxun ca Jesusan cacëxa: —Marta, Marta, mix camina ꞌitsa ñu ꞌati sinani bënëtin.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

2 Pedro 1:8

Asérabi usai ꞌi camina an uni itsin Jesucristomi sinánun ꞌaquincëma unisa ꞌitima ꞌain. Usai ꞌi camina ñancábimi Nucën ꞌIbu Jesucristomi sináncë ꞌitima ꞌain.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.