Marcos 4:15 - Kashibo-Kakataibo Biblia

¹⁵ Anúan uni nicë me iru anu nipacëcë ñu bëru asaribi ca bëtsi bëtsi uni ꞌicën. Usa ꞌixuan Nucën Papa Diosan bana cuacëbëbi bënëtishi uxun ca ñunshin ꞌatimanën ꞌapu, Satanás, an sinánxma ꞌinun a cuacë banacama a manumia.

Nukën 'Ibu Diosan ain unikama 'inan ain bana

¹⁵ Anúan uni nicë me iru anu nipacëcë ñu bëru asaribi ca bëtsi bëtsi uni 'icën. Usa 'ixuan Nucën Papa Diosan bana cuacëbëbi bënëtishi uxun ca ñunshin 'atimanën 'apu, Satanás, an sinánxma 'inun a cuacë banacama a manumia.

Marcos 4:15 ပူးပေါင်းရင်းမြစ်များ

Génesis 19:14

Usakian kakëx ka Lotnën aín bëchikë binuxun kakë aín piaka ꞌiti uni rabë́ barikuankëxa, kuanxun mërakin ka aín piaka ꞌiti uni a kakëxa: —¡Bënëti nirukiani ka kuantan Nukën ꞌIbun ka ënë ëma këñuti ꞌikën! ꞌAínbi ka aín piaka ꞌiti unikaman këmëkin isa Lotnën kaia kixun sinani kuanma ꞌikën.

Isaías 53:1

¿Uin kara nukamannu kuaxun ñuikë min bana ax ka asérabi ꞌikë kixun sinánti ꞌik? ¿Ui kara Nukën ꞌIbun aín kushin ñu ꞌakin ax ka kushi ꞌikë kixun sinánnun ꞌimiax?

Mateo 13:19

Anúan uni Nucën Papa Diosnan ꞌiti ënë bana aín pabitan cuaquinbia uisai qui quicë cara quixun upí oquin ꞌunáncëbëma uxun ca ñunshin ꞌatimanën ꞌapun bënë́nquinshi uni manumia. Usa banax ca anúan uni niti me iru anua nipacëcë ñu bëru asaribi ꞌicën.

Mateo 22:5

Usaquian ꞌapun camicëxbi ca a camicë unicamax cuainsama tanxa. Cuainsama tanía bëtsix aín naënu cuantamainun ca bëtsix anuxuan ñu marucë xubunu cuanxa.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Marcos 4:14

An ñu bëru ꞌapácë uni asaribi ca an Nucën Papa Diosan bana unicama ñuixuncë uni ꞌicën.

Marcos 4:16

Bëtsi bëtsi unix ca maparañu me bëxbá, anu nipacëcë ñu bëru asaribi ꞌicën. Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun bënë́nquinshi sinania.

Marcos 4:4

Sacacëx ca raírinëx anúan uni nicë me irunu nipacëaxa. Nipacëcë isbëtsini uxun ca ñuina pëchiñunën ꞌeaxa.

Lucas 8:12

Anúan uni nicë me iru anu nipacëcë ñu bëru, asaribi ca bëtsi bëtsi uni ꞌicën. Aín pabitan cuaquinbia —asérabi ca usa ꞌicë —quixun sináncëbëma anu uxun ca a bana aín nuitu mëu sinani Nucën Papa Diosnan ꞌinux ië́axma ꞌinun quixun uni ñunshin ꞌatimanën ꞌapun manumia.

Hechos 17:32

Usaquian bamatancëx ca Jesús baísquiacëxa quixun ñuia cuati ca uni raírinëx Pablomi cuaiacëxa. Cuaimainun ca raírinën Pablo cacëxa: —Minmi ñuicë bana ënëmi ñuitëcënia cananuna bëtsi nëtën cuatëcënti ꞌain.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

2 Corintios 2:11

Usoquin manucëma ꞌicë ca ñunshin ꞌatimanën ꞌapu, Satanás, an nu ꞌatimaquin sinánmiquin ꞌatimamiti ꞌicën. Usa ca ax ꞌicë quixun cananuna ꞌunan. An usoquin nu ꞌatimaquin sinánmiti rabanan cananuna aín ꞌucha manui a unibë upí ꞌiti ꞌain.

2 Tesalonicenses 2:9

Cëmëi paránanti ꞌunáinra uni ax ca ñunshin ꞌatimanën ꞌapu, Satanás, an ꞌimicëx aín cushibë uti ꞌicën. Uquin ca cushiira ꞌixun unían ꞌacëma ñu ꞌitsaira aín cushínbi ꞌaquin uni paránti ꞌicën.

Hebreos 12:16

Uni aín xanubëishi ꞌitioquin mënío ꞌain ca micama ui uníxbi aín xanuma ꞌain, xanu itsibë ꞌitima ꞌicën, bëbúxribi ca xanúxmabi uni itsibë ꞌitima ꞌicën. Nucën Papa Dios ca uni ꞌimainun xanuribi usai ꞌiti cuëënima. Usai ꞌitin rabanan camina camáxbi upí sinánñu ꞌinun ꞌaquiananti ꞌain. Esaúnën ca Nucën Papa Diosan cacë bana sinánquinma, ax rëcuën ꞌixunbi aín piti cuëëncë cupíshi aín xucën aín rëcuën ꞌimiacëxa. Ax piti cuëëncë cupía Esaú ꞌiásaribiti camina ꞌitima ꞌain.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 20:7

Mil baritia inúcëbë ca Nucën Papa Diosan ꞌimicëx Satanás quini chaira anuax chiquíti ꞌicën.