Marcos 3:7 - Kashibo-Kakataibo Biblia

⁷ Usacëbë ca Jesús parúmpapanu cuancëxa, cuancëbë ca aín ꞌunánmicë unicamaxribi abë cuancëxa. ꞌImainun ca ꞌaisamaira uni Galilea mecamanuaxa ucë acamax a nuibiani anu Jesús ꞌicë anu timë́acëxa.

Nukën 'Ibu Diosan ain unikama 'inan ain bana

⁷ Usacëbë ca Jesús parúmpapanu cuancëxa, cuancëbë ca aín 'unánmicë unicamaxribi abë cuancëxa. 'Imainun ca 'aisamaira uni Galilea mecamanuaxa ucë acamax a nuibiani anu Jesús 'icë anu timë́acëxa.

Marcos 3:7 ပူးပေါင်းရင်းမြစ်များ

Mateo 10:23

Achúshi ëmanuxun bana ñuixuniabi unin mitsun bana cuaisama tanquin bëtsi bëtsi ocëx camina bëtsi ëmanu cuanti ꞌain. Anuxunribi bana ñuixunia unin mitsu bëtsi bëtsi ocëx camina anuaxribi bëtsi ëmanu cuanti ꞌain. ꞌËn cana asérabi mitsu cain, anu Israel unibu ꞌicë ëmacamanuxun mitsun unicama bana ñuixuncëma pain ꞌain cana ꞌëx uni ꞌinux Nucën Papa Diosnuax uá ꞌëx utëcënti ꞌain.

Mateo 12:15

Usax ca fariseo unibu ꞌësënania ꞌunánbiani Jesús anuax cuancëxa. Cuancëbë ca ꞌitsa uni abë cuancëxa. Cuania ca Jesusan uni ñucëcama pëxcuquin,

Mateo 12:16

—an ca usoquin ñu ꞌaia quixun camina ꞌë chaniotima ꞌai —quixun cacëxa.

Mateo 4:25

Usoquin bana ñuixuanan unicama pëxcubiania cuania ca ꞌaisamaira unin Jesús nuibiancëxa. Galilea menu ꞌicë unicama ꞌimainun Decapolis cacë menu ꞌicë unicama ꞌimainun Jerusalénu ꞌicë unicama ꞌimainun Judea mecamanu ꞌicë unicama ꞌimainun Jordán baca ꞌucë manánuaxribi ucë unicaman ca abë cuanquin Jesús nuibiancëxa.

Marcos 1:39

Usaquin cabiani cuanxun ca Galileanu ꞌicë ëmacamanu ꞌicë anua judíos unicama timë́ti xubucamanuxun bana ñuixuancëxa, ñuixuanan ca ñunshin ꞌatimacama uninua chiquíancëxa.

Marcos 1:45

Jesusan —ꞌën mi pëxcucë ënë ñuiquin uni caxunma ca ꞌatan —cacëx cuanquinbia aín nami pëxcúcë ñuiquin chaniocëbë ca Jesús, anu uni riquianti rabanan, uinu ꞌicë ëmanubi cuánma ꞌicën. Cuaníma anu uni ꞌicëma menu cuni ꞌicëbëbi ca camabi menuax cuanx uinu cara cuania anubi timë́cancëxa.

Marcos 3:20

Cuanbia ꞌaisamaira uni amiribishi timë́tëcëan ca atubë banaquin Jesúsbëtan aín ꞌunánmicë unicaman piama ꞌicën.

Marcos 4:1

Amiribishi ca Jesusan parúmpapa cuëbíxun unicama ꞌunánmiacëxa. ꞌUnánmicëbëa ꞌaisamaira uni a nëbë́tsiorati timë́cëbë ca Jesús parúmpapa cuëbía bëspúcë manë nuntinu ꞌiruax tsóbuacëxa. Anua tsómainun ca unicama masinu parúmpapa cuëbí bucüacëxa.

Lucas 23:5

Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama ꞌatimaquin ꞌunánmiquin tsuáquirumianan Judea mecamanuxunribi usoquin ꞌaia.

Lucas 6:12

Usa ꞌain ca aín Papabë banai Jesús matánu cuancëxa. Cuantancëx ca imë́ ꞌuxti tëai abë banacëxa.

Lucas 6:17

ꞌUnánminuxun a unicama caístancëx ca matánuax taramëcëbutancëx me sapánu ꞌiacëxa. Anu ca ꞌaisamaira uni Jerusalén, ꞌimainun Judea mecamanuaxribia ucë ꞌiacëxa. ꞌImainun ca Tiro, Sidón a ëma rabë́ ꞌurama ꞌicë me parúnpapa rapasu, anu ꞌicë menuaxribia ucë ꞌiacëxa.

Juan 7:41

Quimainuan raíri —ënëx ca Cristo, axa utinu nun caíncë a ꞌicë —quicëbëbi ca raírinëx quiacëxa: —Cristo ca Galilea menuax utima ꞌicën.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 17:10

Usai ꞌicëbëtan ca axa Jesucristomi catamëcë unicaman bënë́nquinshi imë́ Pablocëñun Silas Berea cacë ëmanu cuantánun quixun xuacëxa. Xucëx cuanx bëbatancëx ca anua judíos unicama timë́ti xubunu atsíancëxa.

Hechos 17:14

Tsuáquirumicëbëtanbi ca axa Jesucristomi catamëcë unicaman bënë́nquinshi Pablo manë nuntían cuantánun quixun xuacëxa. Xucëbë ca Timoteobë Silas Bereanubi bërúacëxa.