Marcos 3:18 - Kashibo-Kakataibo Biblia

¹⁸ Raírinëx ca Andrés, Felipe, Bartolomé, Mateo, Tomás acama ꞌiacëxa. Bëtsix ca Alfeonën bëchicë, Jacobo, ꞌiacëxa. Raírinëx ca Tadeo ꞌimainun Simón, axa judíos unibun rabanan nëëti banacë, aribi ꞌiacëxa.

Nukën 'Ibu Diosan ain unikama 'inan ain bana

¹⁸ Raírinëx ca Andrés, Felipe, Bartolomé, Mateo, Tomás acama 'iacëxa. Bëtsix ca Alfeonën bëchicë, Jacobo, 'iacëxa. Raírinëx ca Tadeo 'imainun Simón, axa judíos unibun rabanan nëëti banacë, aribi 'iacëxa.

Marcos 3:18 ပူးပေါင်းရင်းမြစ်များ

Mateo 13:55

Ënëx ca carpinteronën bëchicë ꞌicën, ꞌimainun ca aín titax María ꞌicën. Jacobo, José, Simón, Judas acamax ca aín xucën ꞌicën.

Mateo 9:9

Usobiani cuantëcënquinbi ca Jesusan Mateo cacë uni anuxuan ꞌapu buánmiti curíqui bicë anua tsócë mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut. Jesusan cacëxëshi ca Mateo niruquiani ami sinani abë cuancëxa.

Marcos 2:14

ꞌUnánmitancëx cuanquínbi ca Jesusan Alfeonën bëchicë, Leví cacë, a anuxuan ꞌapu buánmiti curíqui bicë anua tsócë mëracëxa. Mëraquin ca Jesusan cacëxa: —ꞌËn mi ꞌunánminun ca ꞌëbë cuani ut. Cacëxëshi ca Leví niruquiani Jesúsbë cuancëxa.

Marcos 3:17

ꞌImainun ca Zebedeonën bëchicë Jacobobë aín xucën Juan ꞌiacëxa. A uni rabë́ ca Jesusan Boanerges caquin anëacëxa. Boanerges quicë banax ca caná banacësari banacë quicë ꞌicën.

Marcos 3:19

Bëtsix ca Judas Iscariote, an Jesús uni ꞌinan, a ꞌiacëxa. Usaquin abë niti unicama caísbianquin buani ca Jesús anua ꞌicë xubunu cuantëcëancëxa.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Juan 1:40

Juanën cacëxun cuaquian Jesús nuibiancë uni rabëtax ca bëtsix Simón Pedronën xucën Andrés ꞌiacëxa.

Juan 11:16

Cacëxun ca rabë́ bacë́an ꞌicë Gemelo caquin anëcë, Tomás, an Jesusan ꞌunánmicë uni raíri cacëxa: —Nuxribi abë bamai cuanun ca cuan.

Juan 14:22

Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix ꞌai quixun ismiquinbi an Nucën Papa Diosan bana cuacëma unicamaribi ismitima ꞌain?

Juan 21:2

Anu ca Simón Pedro, Tomás ꞌicëbi rabë́ bacë́an ꞌicë Gemelo caquinribi anëcë, a ꞌimainun Natanael, Galileanu ꞌicë Caná cacë ëmanu ꞌicë, a ꞌimainun Zebedeonën bëchicë rabë́ acamabë Jesusan ꞌunánmicë uni rabë́ribishi timë́cë ꞌiacëxa.

Hechos 1:13

Riquianx Jerusalénu bëbatancëx ca anua atux ꞌicë xubunu atsíanx manámia ꞌicë cata itsi anu cëñúruacëxa. Atux ca Pedro, Jacobo, Juan, Andrés, Felipe, Tomás, Bartolomé, Mateo, Alfeonën bëchicë Jacobo, Simón axa aín aintsin rabanan nëëcë, a ꞌimainun Jacobonën xucën Judas, acama ꞌiacëxa.

Hechos 15:13

Usaquin caía Pablobë Bernabé sënë́ncëbëtan ca Jacobonën anu ꞌicë unicama cacëxa: —ꞌËn xucë́antu, ꞌën mitsu camainun ca cuat.

Hechos 21:18

Usaquian bicëx ꞌinëti cananuna pëcaracëbë Pablobë Jacobo isi cuancën. Abë ca axa Jesucristomi catamëcë unicaman cushicamaribi ꞌiacëxa.

1 Corintios 15:7

Usai ꞌianan ca Jacobomiribi chiquiracëanan an aín bana ñuixunun caíscë unicamamiribi chiquiracëtëcëancëxa.

1 Corintios 9:5

A Jesusan aín bana ñuixunun caíscë uni raíri ꞌimainun Nucën ꞌIbu Jesusan xucë́antu ꞌimainun Pedro, acaman aín xanu abë cuanun buáncësaribi oquin cana ꞌënribi ꞌaisa tanquin xanu buánti ꞌain.

Gálatas 1:19

Aribia Nucën ꞌIbu Jesusan aín bana ñuixunun caísa uni raíri isquinmabi cana Jacobo, Nucën ꞌIbu Jesusan xucën, ashi isacën.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.