Marcos 2:7 - Kashibo-Kakataibo Biblia

⁷ —¿Uisa ꞌaish cara ënë unix usai banain? Ënëx ca anúan Nucën Papa Diosaxëshi quiti banan banaia, ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Nukën 'Ibu Diosan ain unikama 'inan ain bana

⁷ —¿Uisa 'aish cara ënë unix usai banain? Ënëx ca anúan Nucën Papa Diosaxëshi quiti banan banaia, ax ca 'aisama 'icën. Uinu 'icë unínbi ca 'ucha tërë́ntima 'icën. Nucën Papa Diosan cuni ca 'ucha tërë́nti 'icën.

Marcos 2:7 ပူးပေါင်းရင်းမြစ်များ

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 130:4

ꞌAínbi kamina min nux ꞌuchakëkama nu mëníoxunin, usa ꞌixun kananuna nun mi rabiti kuëënin.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Mateo 26:65

Usai quia cuati xuamairai nishquin aín chupabi tucaquin ca judíos sacerdotenën cushicaman ꞌapun abë ꞌicë unicama cacëxa: —Nucën Papa Diosmi ca ꞌatimati banaxa. Mitsun camina Nucën Papa Dios ñuia, ꞌatimati banaia cuacan.

Mateo 9:3

Usaquian caia cuaquin ca anu ꞌicë an Moisésnën cuënëo bana ꞌunáncë uni raírinën sináncëxa: Ënë unix ca anúan Nucën Papa Diosaxëshi quiti banan banaia. Ax ca ꞌaisama ꞌicën. Nucën Papa Diosan cuni ca ꞌucha tërë́nti ꞌicën.

Marcos 14:64

Mitsúnribi camina Nucën Papa Dios ñuia ꞌatimati banaia cuacan. ¿Uisa caramina sináncanin? Quixuan cacëx ca camáxbi —ca bamati ꞌicë —quiacëxa.

Marcos 2:6

Usoquin Jesusan caia cuaquin ca anu tsócë an Moisésnën cuënëo bana ꞌunáncë unicaman ësaquin sináncëxa:

Marcos 2:8

Usaquian sinania atun sinan ꞌunánquin ca Jesusan atu cacëxa: —¿Uisacasquin caramina mitsun usaquin sinanin?

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Lucas 7:49

Usoquian Jesusan caia cuati ca axa abë tsócë unicamax ratuti canancëxa: —¿Uisa uni cara ënëx ꞌic? Anbi ca ꞌucha tërënia.

Juan 10:33

Ësoquian cacëxun ca judíos unicaman cacëxa: —Minmi upí ñu ꞌacë cupí cananuna mi maxaxan ꞌaiman. Mixmi Nucën Papa Dios ñui ꞌatimati banacë cupí cananuna mi ꞌain. Mix camina unishi ꞌaíshbi mix isamina Dios ꞌai quiax quin. A cupí cananuna mi ꞌain.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?