Marcos 2:5 - Kashibo-Kakataibo Biblia

⁵ Nanpáquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Min ꞌuchacama ca tërë́ncë ꞌicë —quixun.

Nukën 'Ibu Diosan ain unikama 'inan ain bana

⁵ Nanpáquin ca —Jesusan ca ënë uni pëxcuti 'icë —quixun aín nuitu mëu sináncëxa. Sinania atun sinan 'unánquin ca Jesusan ñucë uni cacëxa: —Min 'uchacama ca tërë́ncë 'icë —quixun.

Marcos 2:5 ပူးပေါင်းရင်းမြစ်များ

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Salmos 103:3

An ka ꞌën ꞌatima ñu ꞌakëkama tërënxunkin ꞌë mëníoxuanan, kamabi ꞌën ꞌinsínkëkama ꞌë pëxkuxunia,

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

Mateo 9:5

ꞌËn cana uni “Min ꞌuchacama ca tërë́ncë ꞌicë” quixun cananbi “Niruquiani ca cuantan” quixunribi cati ꞌain.

Marcos 2:6

Usoquin Jesusan caia cuaquin ca anu tsócë an Moisésnën cuënëo bana ꞌunáncë unicaman ësaquin sináncëxa:

Marcos 5:34

Cacëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Usai camina ꞌitëcëniman. Chuámashi ꞌaish ca cuantan.

Lucas 5:20

Nanpáquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Min ꞌuchacama ca tërë́ncë ꞌicën.

Lucas 8:48

Ñuixuncëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Chuámashi ꞌaish ca cuantan.

Juan 2:25

An ca unían cacëxunmabi camabi unin sinan ꞌunáncëxa.

Juan 5:14

Usa ꞌain ca a pëxcucë uni a anuxun Nucën Papa Dios rabiti xubunuxun mëraquin, Jesusan cacëxa: —Ca is, bërí camina pëxcúcë ꞌain. Usa ꞌain camina mix ꞌiásamairai ꞌinsíntëcënti rabanan amiribishi ꞌuchatëcëntima ꞌain.

Hechos 11:23

Xucëx cuanx bëbaquin, Nucën Papa Diosanbia atu judíos uni ꞌicëmabi chuámarua ꞌaísha upí nuituñu ꞌinun ainan ꞌimicë isi ca Bernabé cuëëancëxa. Cuëënquin ca ꞌësëquin cacëxa: —Mitsúnmi bëráma ꞌacë ñu ꞌatëcëníma camina Nucën ꞌIbu Jesús ami ëníma catamëti ꞌain.

Hechos 14:9

Usa ꞌixun ca a unin tsóxun Pablonëan bana ñuia cuacëxa. Cuatia isquin ca Pablonën, ënë unin ca —Nucën Papa Diosan ca ꞌë pëxcuti ꞌicë —quixun sinania quixun ꞌunáncëxa.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

1 Corintios 11:30

Usai ꞌuchacë cupí camina Nucën Papa Diosan ꞌimicëx raíri cushima ꞌianan ꞌinsínñu ꞌain. Usa ꞌaish ca raíriribi bamaxa.

2 Corintios 2:10

Usoquin ꞌaquinmi mitsun aín ꞌucha manuquin, aribi manumicëbëtan, cana ꞌënribi aín ꞌucha manuin. Axa ꞌëmi ꞌuchacëbi cana mitsúnmi aín ꞌucha manucë cupí, ꞌënribi aín ꞌucha manuan, Cristo cuëëncësabi oquin.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan ꞌinun ië́miaxa. Mitsúnmi ñu upí ꞌacë cupíma ca Jesucristo bama cupíshi Nucën Papa Diosan ax cuëënquinshi mitsu ainan ꞌinun ië́miaxa.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.

Santiago 5:15

Asérabi ca an ënë uni pëxcuti ꞌicë quixun sinánquinmi a ñucáxuncëxun ca Nucën ꞌIbu Jesucristonën ñucë uni pëxcuti ꞌicën. Pëxcüanan ca aín ꞌuchacama tërë́nxunti ꞌicën.