Marcos 2:21 - Kashibo-Kakataibo Biblia

²¹ Catancëxun ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ësaribi ca. Nun aintsi uinu ꞌicë xanúnbi ca chupa xëni, chupa sani iotan aín tuquicë a ꞌunuima. Usocëxbi ca chupa xëni ax chëqui anun ꞌunucë ió ax nipacëtia. Usai ꞌi ca aín tuquicë ax chaia.

Nukën 'Ibu Diosan ain unikama 'inan ain bana

²¹ Catancëxun ca aín banaxa fariseo unicaman uni 'unánmicë banasama 'ain, aín banabë fariseonëan 'unánmicë bana mëscúti rabanan Jesusan ësaquinribi a unicama cacëxa: —Ësaribi ca. Nun aintsi uinu 'icë xanúnbi ca chupa xëni, chupa sani iotan aín tuquicë a 'unuima. Usocëxbi ca chupa xëni ax chëqui anun 'unucë ió ax nipacëtia. Usai 'i ca aín tuquicë ax chaia.

Marcos 2:21 ပူးပေါင်းရင်းမြစ်များ

Mateo 9:16

Catancëxun ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca chupa xëni, chupa sani iotan aín tuquicë a ꞌunuima. Usocëxbi ca chupa xëni ax chëqui anun ꞌunucë ió ax nipacëtia. Usai ꞌi ca aín tuquicë ax chaia.

Marcos 2:20

Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima ꞌicën. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Marcos 2:22

Ësaribi ca. Ui unínbi ca ñuina xacá, anu ꞌumpax ꞌaruti chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia. Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën. Ësaquin ca an ñucácë unicama Jesusan cacëxa.

Lucas 5:36

Usaquin canan ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca aín chupa ió tëaima, anun aín chupa xëni cëxëti. Tëaquin aín sani bicëx ca chupa ió ax ꞌatimatia. ꞌImainun ca a chupa iotan sanix chupa xëni iscësama ꞌia.

1 Corintios 10:13

Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.