Marcos 2:20 - Kashibo-Kakataibo Biblia

²⁰ Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima ꞌicën. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Nukën 'Ibu Diosan ain unikama 'inan ain bana

²⁰ Ca ësa 'icën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima 'icën. Usaribiquin ca 'ën 'unánmicë unicama 'ëbë 'ixun masá nuituti samáquinma piia. Unían 'ë bicëxun 'ën ëbiancëxun cuni ca masá nuituquin pitima 'icën.

Marcos 2:20 ပူးပေါင်းရင်းမြစ်များ

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Mateo 26:31

Anu cuantancëxun ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Mateo 9:15

Cacëxun ca Jesusan cacëxa: —¿An biti xanua unin bicëma pan ꞌain cara axa abë nuibanancë unicama ax a unibë ꞌaish masá nuituti ꞌic? Ca masá nuitutima ꞌicën. Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Marcos 2:19

Cacëxun ca Jesusan cacëxa: —¿Anun xanu biti nëtën cara pi unun quixuan xanu biti unin camicë unicaman, an xanu biti uni axa atubë ꞌain, masá nuituquin pima ꞌiti ꞌic? Axa atubë ꞌain ca pima ꞌitima ꞌicën.

Marcos 2:21

Catancëxun ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ësaribi ca. Nun aintsi uinu ꞌicë xanúnbi ca chupa xëni, chupa sani iotan aín tuquicë a ꞌunuima. Usocëxbi ca chupa xëni ax chëqui anun ꞌunucë ió ax nipacëtia. Usai ꞌi ca aín tuquicë ax chaia.

Lucas 17:22

Usoquin atu catancëxun ca Jesusan aín ꞌunánmicë unicamaribishi cacëxa: —Uni ꞌinux uá ꞌaish ꞌëx Nucën Papa Diosnu cuantancëx utëcëncëma pan ꞌain, camina ꞌëx anun mitsubë ꞌitëcënti nëtë istisa tanti ꞌain. A nëtëcama achúshinën ꞌë istisaira tanquinbi camina mitsun ꞌë istima pan ꞌain.

Lucas 5:35

Ësa ca. An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima ꞌicën. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Juan 12:8

Camabi nëtën camina a mitsun ꞌaquinti ñuñuma uni isin. Usa ꞌaínbi camina mitsun xënibuquin ꞌë istima ꞌain.

Juan 13:33

Xënibutíma cana bënëtishi mitsubë ꞌiti ꞌain. Mitsubë ꞌitancëx cuancë camina ꞌë barinuxun ꞌain. Usa ꞌain cana ꞌën judíos unicama cacësabi oquin bërí mitsuribi cain, anu ꞌëx cuancë anu camina mitsux cuantima ꞌain.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 16:7

Usai ꞌiabi cana asérabi mitsu cain, upitaxmi ꞌë cupí ꞌicanun cana ꞌëx cuanin. ꞌËx cuancëbëma ca an uni ꞌaquinti, Nucën Papa Diosan Bëru Ñunshin Upí, ax mitsubë ꞌi utima ꞌicën. Usa ꞌaínbi cana ꞌëx cuanquin a xuti ꞌain.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 17:13

Bërí cana anu mi ꞌicë anu cuanin. Ënë nëtënuax cuancëma pan ꞌixun cana atu ꞌëx ꞌicësaribitia chuámarua tani cuëënun atun cuamainun mi ñucáxunin.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

2 Corintios 11:2

Cristonainshi ꞌinun cana mitsu aín bana ñuixuan. Usa ꞌixun cana xanúxa bëtsi unin bana cuatima aín bënën banaishi cuati ami sináncësaribi oi, mitsux bëtsi bana quicësa oíma Cristo quicësabi oíshi ꞌiti cupí, mitsu cain, Nucën Papa Diosan ꞌë sinánmicëxun.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Apocalipsis 19:7

Cuëëinra cuëënquin a rabinun ca rabican. Anúan a Carnero ꞌicësaribitia unin ꞌucha cupí bama, ax aín unicamabë biránanti nëtë ca uaxa. Aín unicamax ca abë ꞌinux mëníocaxa, unían biti xanúxa aín bënëbë biránanux upiti mëníocacësaribiti.

Apocalipsis 21:9

Usai quicëbëtan ca mëcën achúshi ꞌimainun rabë́ ángelcama anun ënë menu ꞌicë unicama ashiquin tëmëramiti ñua aín xanpanu ꞌicë, acama achúshinën ësaquin ꞌë caxa: —Ca ut. Carnero ꞌicësaribitia unin ꞌucha cupí bama, an abëa ꞌinun binuxun cacë aín unicama a cana mi ismiti ꞌain.