Marcos 2:2 - Kashibo-Kakataibo Biblia

² Chaniocëbë ca anua Jesús ꞌicë xubu tsitsirui, ꞌitsa uni timëcamëꞌëocëxa. Usari ꞌiquian anu uni niti ꞌaíma ꞌinun xubu xëcuëbi tsitsirucë, ca Jesusan anuxun atu bana ñuixuancëxa.

Nukën 'Ibu Diosan ain unikama 'inan ain bana

² Chaniocëbë ca anua Jesús 'icë xubu tsitsirui, 'itsa uni timëcamë'ëocëxa. Usari 'iquian anu uni niti 'aíma 'inun xubu xëcuëbi tsitsirucë, ca Jesusan anuxun atu bana ñuixuancëxa.

Marcos 2:2 ပူးပေါင်းရင်းမြစ်များ

Salmos 40:9

Min unikama ꞌitsaira nëbë́tsinuxun kana; usaími kikë bana unëkima atu ñuixuan. ¡Minbi kamina upíokin ꞌunanin ꞌËn ꞌIbu Dios. ꞌËn kana unë́kinma min bana ñuian!

Mateo 5:2

Nëbë́tsioracëxun ca Jesusan uisa unicamax cara cuëënti ꞌicë quixun atu ꞌunánmiquin cacëxa, ësaquin:

Marcos 1:14

Juan, an uni nashimicë, a sipuacë ꞌain ca Jesusan Galilea menu cuantëcënquin —aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun upí bana ñuibiancëxa.

Marcos 1:33

Bëcëbë ca a ëmanu ꞌicë unicamax anua Jesús ꞌicë xubun xëcuënu timë́acëxa.

Marcos 1:37

Cuanxun mëraquin ca cacëxa: —Camaxunbi ca mi baria.

Marcos 1:45

Jesusan —ꞌën mi pëxcucë ënë ñuiquin uni caxunma ca ꞌatan —cacëx cuanquinbia aín nami pëxcúcë ñuiquin chaniocëbë ca Jesús, anu uni riquianti rabanan, uinu ꞌicë ëmanubi cuánma ꞌicën. Cuaníma anu uni ꞌicëma menu cuni ꞌicëbëbi ca camabi menuax cuanx uinu cara cuania anubi timë́cancëxa.

Marcos 2:1

Anu uni ꞌicëma menu ꞌitancëx ca Jesús Capernaúm ëmanu cuantëcëancëxa. Cuanxa anu ꞌain ca unicaman —Jesús ca uax xubunu ꞌicë —quixun chaniocëxa.

Marcos 2:13

Parúmpapa cuëbía Jesús cuantëcëncëbë ca ꞌaisamaira uni anu timëcamëꞌëocëxa. Timëcamëꞌëoia ca Jesusan atu ꞌunánmiacëxa.

Marcos 6:34

Manë nuntinuax ꞌibúquian Jesusan iscëx ca anua timë́cë unicamax an atu Nucën Papa Diosmi sinánun ꞌaquinti ꞌaíma ꞌain, ꞌaracacë ñuinanëxa an bërúanti aín ꞌibu ꞌaíma ꞌain sináncasmai bënë́cësaribi ꞌiacëxa. Usai ꞌia isquin ca Jesusan unicama nuibacëxa. Nuibaquin ca ca ꞌitsa ñu ñuiquin atu bana ñuixuancëxa.

Lucas 12:1

Usomainun ca ꞌaisamaira uni timëcamëꞌëoi tsitsirui anu niti ꞌaíma ꞌain bëtsibë bëtsibë chácanancëxa. Usaía ꞌimainun ca Jesusan aín ꞌunánmicë unicama cacëxa: —Fariseo unibu atux anun pán chamiti ñusa ꞌicë usaribi ꞌitin rabanan camina bërúancati ꞌain. Ësai quiquin cana ësoquin mitsu cain, bana ñuixunquin ca atun ꞌatimaquin unicama parania. Usaquinribi camina mitsun ꞌatima ꞌain.

Lucas 5:17

Nëtë itsían xubunuxun Jesusan bana ñuixuncëbë ca fariseo unicama ꞌimainun an Moisésnën cuënëo bana uni ꞌunánmicë unicamaribi anu tsócë ꞌiacëxa. Acamax ca Galilea menu ꞌicë ëmacama ꞌimainun Judea menu ꞌicë ëmacama ꞌimainun Jerusalénuaxribi ricuatsincë ꞌiacëxa. Usa ꞌain ca bana ñuixuanan ꞌinsíncë unicama pëxcunun Nucën Papa Diosan cushiocë Jesús ꞌiacëxa.

Lucas 8:1

Usotancëxun ca Jesusan ëma chacamanu ꞌimainun ëma chucúmaracamanuribi cuanquin, anu ꞌicë unicama bana ñuixunquin ꞌunánmiacëxa. ꞌUnánmiquin ca —anúan Nucën Papa Diosan ꞌëmi catamëtia uni ainan ꞌimiti nëtë ca uaxa —quixun caquin upí bana unicama ñuixuancëxa. Usocëbë ca aín ꞌunánmicë unicama mëcën rabë́ ꞌimainun rabë́, acamax abë niacëxa.

Lucas 8:11

Caxun ca Jesusan cacëxa: —An ñu ꞌapácë uni ñui quicë bana ax ca ësai qui quicë ꞌicën: Ñu bëru ꞌapácësaribi ca Nucën Papa Diosan bana ꞌicën.

Hechos 11:19

Esteban pain rëtancëxun ca Jesucristomi catamëcë unicama axa atumi nishcë unicaman bëtsi bëtsi ocëxa. Usocëx ca tsuáqui raírinëxa Fenicia menu cuantamainun raírinëxribia nasí cha, Chipre cacë, anu cuantamainun raírinëxribi Antioquía ëmanu cuancëxa. Cuanxun ca bëtsi unibuma judíos unibuishi, Jesucristomi catamëti ca uni Nucën Papa Diosnan ꞌiti ꞌicë quixun bana ñuixuancëxa.

Hechos 14:25

Panfilia menu ꞌicë ëma Perge anuxun bana ñuixuntancëx ca Atalia ëmanuribishi cuancëxa.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 8:25

Usa ꞌain ca Pedrobëtan Juanën usai ca Jesús ꞌiaxa quixun caquin an cacë banacama ꞌitsa uni ñuixuancëxa. Usotancëxun, Samaria menu ꞌicë ëmacamanuxun —Jesucristomi catamëti ca uni Nucën ꞌIbu Diosnan ꞌiti ꞌicë —quixun ñuixuntancëx ca Jerusalénu cuantëcëancëxa.

Romanos 10:8

Usai quianan ca ësairibi quia: “A bana Cristo ñui quicë, a ñuia camina cuatin. A ñui camina banain. Min nuitu mëu camina a bana sinanin”. Usai quicë ꞌimainun cananuna nunribi Cristomi catamëti ñuia quicë bana unicama ñuixunin.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.