Marcos 2:16 - Kashibo-Kakataibo Biblia

¹⁶ Usoquian atubëtan piia isquin ca an Moisésnën cuënëo bana ꞌunáncë unicamabëtan fariseo unicaman Jesusan ꞌunánmicë unicama ñucáquin cacëxa: —¿Uisa cupí cara an mitsu ꞌunánmicë unin ꞌuchañu unicamabëtan pianan an ꞌapu buánmiti curíqui bicë unicamabëtanribi pin?

Nukën 'Ibu Diosan ain unikama 'inan ain bana

¹⁶ Usoquian atubëtan piia isquin ca an Moisésnën cuënëo bana 'unáncë unicamabëtan fariseo unicaman Jesusan 'unánmicë unicama ñucáquin cacëxa: —¿Uisa cupí cara an mitsu 'unánmicë unin 'uchañu unicamabëtan pianan an 'apu buánmiti curíqui bicë unicamabëtanribi pin?

Marcos 2:16 ပူးပေါင်းရင်းမြစ်များ

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Mateo 18:17

Usaquin ꞌacëxunbia min bana cuaisama tancëbëtan camina axa ꞌëmi catamëcë Nucën Papa Diosan unicamax timë́cë a ñuixunti ꞌain. Ñuixuncëxun ca atúnribi a uni ꞌësëti ꞌicën. ꞌËsëcëxunbia atun bana cuaisama tania camina, a unix ca axa Nucën Papa Diosmi sináncëma unisa ꞌianan an ꞌapu buánmiti curíqui bicë uni ꞌicësaribiti ꞌuchañu ꞌicë quixun isti ꞌain.

Mateo 5:46

Mitsúnmi an mitsu nuibacëma unicama nuibaquinma an mitsu nuibacë unicamaishi nuibatia ca Nucën Papa Diosan mitsu upí isima. An ꞌapu buánmiti curíqui bicë uni ꞌaisama ꞌixunbi ca usaribi oquin an a nuibacë uni a nuibananquinia. Mitsun camina an mitsu nuibacë unishima camabi uni nuibati ꞌain.

Mateo 9:11

Jesúsbëtan a unicaman piia isquin ca aín ꞌunánmicë unicama fariseo unicaman ñucáquin cacëxa: —¿Uisa cupí cara an mitsu ꞌunánmicë unin an ꞌapu buánmiti curíqui bicë unicamabëtan pianan ꞌuchañu unicamabëtan pin?

Marcos 2:15

Cuanquin ca Jesúscëñun aín ꞌunánmicë unicama aín xubunuxun pi cuanun Levitan buáncëxa. Buania ca ꞌaisamaira unin atu nuibiancëxa. Nuibiancëbë atúxribi atubë cuanx ca an ꞌapu buánmiti curíqui bicë unicamabë an fariseocaman bana tancëma uni raírinëxribi anu cuanx Jesús ꞌimainun aín ꞌunánmicë unicamabëtan pi bucüacëxa.

Marcos 2:7

—¿Uisa ꞌaish cara ënë unix usai banain? Ënëx ca anúan Nucën Papa Diosaxëshi quiti banan banaia, ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Lucas 19:10

ꞌUchañu unicama ainanma ꞌicëbi aín ꞌucha tërë́ncë ꞌianan ainan ꞌinun ië́minux, cana Nucën Papa Diosnuax uni ꞌinux uacën.

Lucas 19:7

Usaria isquin ca uni raíricaman —ꞌuchañu unin xubunu ca Jesús ꞌicuania —quixun ñuiacëxa.

Lucas 5:30

Usaria isquin ca fariseo unicama ꞌimainun an Moisésnën cuënëo bana ꞌunáncë unicaman atu ꞌatimaquin ñuiquin Jesusan ꞌunánmicë unicama cacëxa: —¿Uisa cupí caramina mitsun an ꞌapu buánmiti curíqui bicë unicamabëtan pianan ꞌuchañu unicama raíribëtan pianan xëain?

Hechos 23:9

Usa ꞌaísha camáxbi cuëbícanani sharámainun ca fariseo uni raíri, an Moisésnën cuënëo bana ꞌunáncë, an niruquin munuma banaquin cacëxa: —Nun iscëx ca ënë unix añu ñubi ꞌacëma ꞌicën. Sapi ca ñunshin banaia cuaxa, ángel banaia sapi ca cuaxa. An ꞌimicëxuan nu bana ñuixuncëxunbi ënë uni ꞌatimoi atununa Nucën Papa Diosmiribi nishi, usa ꞌain cananuna ꞌatimotima ꞌain.

1 Corintios 2:15

Usa ꞌain ca Nucën Papa Diosan Bëru Ñunshin Upitan sinánmicë uni an, unin ꞌacë ñucama ꞌimainun aín banacama, asérabi cara upí ꞌicë quixun ꞌunania. Usa ꞌaínbi ca uni itsin, a unin Nucën Papa Diosan Bëru Ñunshin Upitan sinánmicëxun ꞌacë ñu cara asérabi an sinánmicëxun ꞌacë ꞌicë quixun ꞌunanima, Nucën Papa Diosan Bëru Ñunshin Upitan sinánmicëma ꞌixun.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.