Marcos 16:14 - Kashibo-Kakataibo Biblia

¹⁴ Usai ꞌitancëx ca Jesús aín ꞌunánmicë unicama mëcën rabë́ ꞌimainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An ꞌë baísquicë iscëcaman, asérabi ꞌëx baísquicë isun cacëxunbi camina, asérabi ca baísquiaxa quixun ꞌë sinántisama tan.

Nukën 'Ibu Diosan ain unikama 'inan ain bana

¹⁴ Usai 'itancëx ca Jesús aín 'unánmicë unicama mëcën rabë́ 'imainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An 'ë baísquicë iscëcaman, asérabi 'ëx baísquicë isun cacëxunbi camina, asérabi ca baísquiaxa quixun 'ë sinántisama tan.

Marcos 16:14 ပူးပေါင်းရင်းမြစ်များ

Números 14:11

Usai ꞌikëbëtan ka Nukën ꞌIbun Moisés kakëxa: —¿Uínsaran ira kara ënë unikaman ꞌën ꞌakinkëxunbia ꞌën kana ꞌakinima kixun sinánkë a ënti ꞌik? ¿Uínsaran ira kara ënë unikamax ꞌën kushínbi atun ismainun bëtsi ñukama ꞌa a sinani ꞌëmi katamëti ꞌik?

Mateo 11:20

Usaquin catancëxun ca Corazín ꞌimainun Betsaida ꞌimainun Capernaúm a ëmacamanuax ucë unicama, atun ëmanuxun bana ñuixuanan uni itsin ꞌacëma ñu ꞌacëbëbia aín bana cuati ami sinanacëma, a unicama ësaquin Jesusan cacëxa:

Mateo 17:20

Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

Mateo 28:17

Cuanxun anua mëraxun ca cuëënquin —ënëx ca asérabi Nucën ꞌIbu Jesús ꞌicë —quixun sinánquin rabiacëxa, raírinëan —asérabi ca Nucën ꞌIbu Jesús ꞌicë —quixun sináncëbëtanmabi.

Marcos 7:18

Cacëxun ca Jesusan cacëxa: —¿Mitsúnribi caramina ꞌën cacëxun ꞌën bana cuatiman? Piti, ax ca unin nuitunu atsinima. Picëx ca aín pucunuishi atsíntancëx amiribishi chiquitia. ¿Usa cat? Usa ꞌain ca Nucën Papa Diosan aín cuëbitan ñu picë a cupí uni upíma isima. Ësai qui ca Jesús, camabi ñu ca piti asábi ꞌicë, quiacëxa.

Lucas 24:11

Usaquian acaman ñuixuncëxunbi ca —cëmëi ca quia —quixun sinánquin —usa ca —quixun sinánma ꞌicën.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Juan 20:25

Usa ꞌain ca Jesús cuancë caxua aia, an Jesús iscëcaman Tomás cacëxa: —Nucën ꞌIbu cananuna isan. Cacëxun ca Tomásnën cacëxa: —Aín mëcën rabë́ anua rabun matáscancë isquin anu ꞌën mëcën rëbun ticánan aín pichánpurunu ꞌën mëcën atsínmiquin tanxunma cana asérabi ca ax Nucën ꞌIbu ꞌicë quixun sinaniman.

Juan 20:26

Jesús baísquixancëa achúshi semana ꞌain ca aín ꞌunánmicë unicama amiribishi achúshi xubunu timë́cë ꞌiacëxa. A nëtën ca Tomásribi atubë ꞌiacëxa. Usa ꞌain ca xubu xëpucë ꞌaínbi atu nëbë́tsi niracëquin Jesusan aín ꞌunánmicë unicama —Cana uan. Chuámashirua ca ꞌican —cacëxa.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 21:1

Usai ꞌitancëxa aín ꞌunánmicë unicama Tiberias cacë parúnpapa cuëbí ꞌain ca Jesús atumi pëasquitëcëni ësai ꞌiacëxa:

Juan 21:14

Usai ca Jesús bamaxbi baísquitancëx rabëti pain ꞌitancëx aín ꞌunánmicë unicamami amiribishi chiquiracëtëcëancëxa.

Hechos 1:3

Usoquin ñu ꞌatancëx bamaxbi ca baísquiacëxa. Usai ꞌitancëxun ca, ax ca asérabi baísquiaxa quixuan an caíscë unicaman ꞌunánun, ꞌuxë achúshi ꞌimainun mëcën rabë́ nëtën nëtë́ax nëtë́ax atumi chiquiracëacëxa. Usai ꞌiquin ca uisairai cara uni Nucën Papa Diosnan ꞌiti ꞌicë quixun atu ꞌunánmiacëxa.

1 Corintios 15:5

Baísquitancëx ca Pedromi chiquiracëanan aín ꞌunánmicë unicama, mëcën rabë́ ꞌimainun rabë́ uni, amiribi chiquiracëacëxa.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.