Marcos 16:1 - Kashibo-Kakataibo Biblia

¹ Anun ñu mëëtima nëtë ñantabucëbëtan ca María Magdalena ꞌimainun Salomé ꞌimainun María itsi, Jacobonën tita, acaman anúan Jesús imë́ishi ꞌaí cuanti, sanu ro maruacëxa.

Nukën 'Ibu Diosan ain unikama 'inan ain bana

¹ Anun ñu mëëtima nëtë ñantabucëbëtan ca María Magdalena 'imainun Salomé 'imainun María itsi, Jacobonën tita, acaman anúan Jesús imë́ishi 'aí cuanti, sanu ro maruacëxa.

Marcos 16:1 ပူးပေါင်းရင်းမြစ်များ

Génesis 50:2

ꞌAtankëxun ka Josénën an uni ꞌinsínia ronkë rukuturukama aín papa Jacobnën nami anëtima kupían ron upíokin ꞌanun kakëxa, usakian kakëxun ka rontankëxun upíokin chupan rabunxun nankëxa.

Marcos 14:3

Betania ñacánuax ca Jesús an aín nami chëquimicë ꞌinsínñu ꞌaíshbia pëxcúcë, Simón, aín xubunua ꞌicë mesanu tsócëxa. Anu ꞌaísha mesanu tsotan ca xanu achúshinën anu sanuira sanu ꞌinínti ro, nardo cacë, ꞌarucë ñu a bëacëxa. A rox ca mëscucëma ꞌaish cupíira cupí ꞌiacëxa. Usa ꞌaínbi ca anua ꞌarucë ñu a ruruquin anun Jesusan maxcá chabócëxa.

Marcos 14:8

An ꞌë usaquin ꞌaisa tanquin ca ꞌë ꞌaxa. Bamacë maínuxun usoquin unin ꞌati tanquin ca ënë xanun ꞌë ron ꞌaxa.

Marcos 15:40

Acama ꞌimainun ca xanu raíriribi ꞌuránxun isi niacëxa. Abë ca María Magdalena ꞌimainun María itsi, José ꞌimainun Jacobo itsi aín tita ꞌimainun Salomé caquin anëcë xanu axribi ꞌiacëxa.

Marcos 15:42

Anun ñu mëëtima nëtë ꞌiisama pain ꞌain ca anun ñu mëníoti nëtë ñantabuacëxa.

Marcos 15:47

Usoquian ꞌaia ca María Magdalena ꞌimainun bëtsi María, Josénën tita, anribi uinu cara mëníoia quixun isacëxa.

Marcos 16:2

Maruonx ca pëcaracëbëa bari urucëma ꞌaínshi anua Jesús mëníoëxancënu cuantëcëancëxa.

Marcos 16:8

Usaquian ángelnën cacëxun, asérabi ca Jesús anuma ꞌicë quixun istancëx ratuti bërërui quininuax chiquiti ca abáquiani cuancëxa. Cuanquin ca racuë́quin uibi uisaquinbi cáma ꞌicën.

Lucas 23:54

Usoquin anun ñu mëëtima nëtën ꞌatima cupí, a nëtë ꞌicëma ꞌain, ca Josénën Jesús mëníonuxun buáncëxa. Buánxuan mëníon ca anun ñu mëëtima nëtë ꞌiacëxa.

Lucas 23:56

Isbiani atun xubunu cuanxun ca anun Jesús sanu oti ro buánuxun mëníocëxa. Mëníotancëx ca Moisésnën cuënëo bana quicësabi oi, anun ñu mëëtima nëtë ꞌain, tantiacëxa.

Lucas 24:1

Anun ñu mëëtima nëtë ꞌiónxa pëcaracëbëa bari urucëma ꞌaínshi ca axa Galileanuax Jesúsbë uëxancë xanucama anun sanu oti ro mëníoëxancë a buani raíri xanubë anua Jesús mëníoëxancënu cuantëcëancëxa.

Juan 19:25

Jesús usocamainun ca aín tita ꞌimainun aín titan xucën ꞌimainun Cleofásnën xanu María ꞌimainun María Magdalena, acamax anua Jesús mastáscë i curúsocë a ꞌurama ꞌiacëxa.

Juan 19:31

Pascua nëtëa imë́ishi ꞌiti ꞌain ca a nëtë́xa bëtsi nëtësamaira anun ñu mëëtima ꞌain, i curúsocënu matáscë unicama anubi ꞌiti judíos unicaman cuëëanma ꞌicën. Usa ꞌixun ca Pilatonëan aín suntárucama i curúsocënu ꞌicë unicama aín xo tëcë́nmianan i curúsocënua biminun cacëxa.