Marcos 15:6 - Kashibo-Kakataibo Biblia

⁶ Anun chamiti ñucëñunma ꞌacë pán piti nëtëa sënë́ncëma pain ꞌain ca Pilatonën usabi oquin ꞌacë ꞌixun a uni chiquínuan judíos unibunën ñucácë, a sipuanua chiquínti sináncëxa.

Nukën 'Ibu Diosan ain unikama 'inan ain bana

⁶ Anun chamiti ñucëñunma 'acë pán piti nëtëa sënë́ncëma pain 'ain ca Pilatonën usabi oquin 'acë 'ixun a uni chiquínuan judíos unibunën ñucácë, a sipuanua chiquínti sináncëxa.

Marcos 15:6 ပူးပေါင်းရင်းမြစ်များ

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 26:5

ꞌËsë́nani ca quicancëxa: —Unicamaxma anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Marcos 15:7

Usa ꞌain ca anua ꞌicë sipuacë unicama raíri ami nishi tsuáquiruquian an uni ꞌacë ꞌiacëxa. An uni ꞌacë a unicama achúshi ca Barrabás ꞌiacëxa.

Juan 18:16

Atsinia ca Pedronën ëman bërúxun xëcuënuxun caíancëxa. Usa ꞌain ca ax paían Jesúsbë atsíncë uni, an sacerdotenën cushicaman ꞌapun ꞌunáncë ꞌixun, an xëcuë bërúancë xanubë banatancëxun Pedro atsínmiacëxa.

Juan 19:16

Usaquian cacancëxun ca Pilátonën atúnbia i curúsocënu matásnun quixun cacëxa. Usoquian Pilátonën cacëxun ca judíos unicama cuëëncësabi oquin suntárucaman Jesús buáncëxa.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 25:9

Quia ca Festonën judíos unicamabë upí ꞌiisa tanquin Pablo cacëxa: —¿Mi ñuia quicancë bana ënë ꞌën anuxun mi mëíoxunun caina Jerusalénu cuainsa tanin?