Marcos 15:43 - Kashibo-Kakataibo Biblia

⁴³ Ñantabucëbë ca uacëxa Arimatea ëmanu ꞌicë uni, José. Ax ca judíos cushicaman ꞌapucama cushi achúshi ꞌianan —upí uni ca —quixuan camabi unin ꞌunáncë ꞌiacëxa. Usa ꞌaish ca anúan Nucën Papa Dios camabi unin ꞌapu ꞌiti nëtëa an caíncë ꞌiacëxa. Usa ꞌaish racuëtimaishi anua ꞌicënu atsínquin ca Pilato —Jesús ca bamaxa, cana buántisa tanin —quixun cacëxa.

Nukën 'Ibu Diosan ain unikama 'inan ain bana

⁴³ Ñantabucëbë ca uacëxa Arimatea ëmanu 'icë uni, José. Ax ca judíos cushicaman 'apucama cushi achúshi 'ianan —upí uni ca —quixuan camabi unin 'unáncë 'iacëxa. Usa 'aish ca anúan Nucën Papa Dios camabi unin 'apu 'iti nëtëa an caíncë 'iacëxa. Usa 'aish racuëtimaishi anua 'icënu atsínquin ca Pilato —Jesús ca bamaxa, cana buántisa tanin —quixun cacëxa.

Marcos 15:43 ပူးပေါင်းရင်းမြစ်များ

Mateo 19:30

Usa ꞌaínbi ca bëría uni —cha ca a uni ꞌicë —quixun sináncë uni a Nucën Papa Diosan aín nuitu ꞌunánquin ñuumara isti ꞌicën. ꞌImainun ca bërí unin iscë́xa ñuuma ꞌicë uni a Nucën Papa Diosan aín sinan upí ꞌunánquin a uníxa cha ꞌicë isti ꞌicën.

Mateo 20:16

A unin —ñuumara ca ax ꞌicë —quixun sináncë uni a ca Nucën Papa Diosan aín sinan upí ꞌunánquin a uníxa cha ꞌicë isti ꞌicën. ꞌImainun ca unin iscë́xa cha ꞌicë uni, a Nucën Papa Diosan aín nuitu ꞌunánquin ñuumara isti ꞌicën. ꞌAisamaira unia ainan ꞌinúxa ꞌëmi catamënun sinánmicëxbia ꞌicëbëtanma ca axa ꞌëmi catamëcë ashi Nucën Papa Diosan ainan ꞌinun ꞌimia.

Mateo 27:57

A nëtë bari cuabutia bëbaquishcëbë ca ꞌitsaira ñuñu uni Arimatea ëmanu ꞌicë, José cacë, ax ami sináncë ꞌaish, anuaxa Jesús bamacë anu cuancëxa.

Marcos 14:54

Jesúsa buántamainun ꞌuránxun nuibiantancëx ca Pedro a xubu rapasu me mëníocënu bërúax suntárucamabë tsi bimicënu sënamëti anu tsoócëxa.

Marcos 15:44

Usaquian cacëxun ca Pilátonën —asérabi cara bamaxa —quixun ñucánuxun suntárunën cushi camiacëxa. Camicëx aia ca —Jesús cara bamaxa —quixun ñucácëxa.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Lucas 2:38

Josébë María a bëi atsíncëbë axribishi anuxun Nucën Papa Dios rabiti xubunu atsínquin ca Anan Jesús isacëxa. Isi cuëënquin ca —asábi ca —caquin Nucën Papa Dios rabiacëxa. Rabiquin ca anu ꞌicë uni an anun Jerusalénu ꞌicëcama ꞌimainun camabi judíos uni chuámarua ꞌinux ië́ti nëtë caíncë unicama, a Jesús ñuiquin —an nu ië́miti a ca ënëx ꞌicë —quixun cacëxa.

Lucas 23:50

Judea cacë menu ꞌicë ëma, Arimatea, anu ꞌicë uni achúshi ca José cacë ꞌiacëxa. Ax ca upí uni ꞌaish upí sinánñu ꞌiacëxa. Ax ca judíos cushicaman ꞌapucama achúshi ꞌiacëxa.

Lucas 23:51

Usa ꞌaíshbi ca José an anun Nucën Papa Dios camabi unin ꞌapu ꞌiti nëtë uti caíncë uni ꞌiacëxa. Usa ꞌixun ca raíri ꞌapucaman ꞌacësaribi oquin sinánquinma, atúxa Jesús ꞌacatsi quiax ꞌësë́nani —ꞌati ca —quiax quicëbëtanbi, an cáma ꞌicën.

Juan 19:38

Arimatea ëmanu ꞌicë uni, José, an ca Jesusan bana cuacë ꞌixunbi judíos unicamami racuë́quin uíbi —ꞌëx cana Jesusan bana cuacë ꞌai —quixun cáma ꞌicën. Usa ꞌixun ca bamacë Jesús buántisa tanquin Piláto —¿asábi cara ꞌiti ꞌic? —quixun ñucácëxa. Ñucácëxun ca Pilátonën, —asábi ca, ca buántan —quixun cacëxa. Cacëxun ca bamacë bibianquin Jesús buáncëxa.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 17:12

Usaquin ꞌai ca atux ꞌitsáxira —asérabi ca —quixun sinani Jesucristomi catamëacëxa. Usai ꞌimainun ca griego banan banacë unicama ꞌimainun xanucamaribi —upí sinánñu ca —quixuan unin ꞌunáncë, acamax Jesucristomi catamëacëxa.

Filipenses 1:14

ꞌËx usai ꞌia ꞌunáncë cupí ca axa Cristomi catamëcë uni aín patsanën, atun ꞌacësamaira oquin Jesucristomi catamëquin, racuë́quinma Nucën Papa Diosan bana uni ñuixunia.