Marcos 15:15 - Kashibo-Kakataibo Biblia

¹⁵ Quicëbëtan ca Pilátonën unicamabë upí ꞌiisa tanquin Barrabás chiquíanan rishquimitancëxun i curúsocënu matásnun quixun Jesús atu ꞌináncëxa.

Nukën 'Ibu Diosan ain unikama 'inan ain bana

¹⁵ Quicëbëtan ca Pilátonën unicamabë upí 'iisa tanquin Barrabás chiquíanan rishquimitancëxun i curúsocënu matásnun quixun Jesús atu 'ináncëxa.

Marcos 15:15 ပူးပေါင်းရင်းမြစ်များ

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 27:26

Quicëbëtan ca Pilatonën Barrabás chiquíanan suntáru rishquimitancëxun i curúsocënu matásnun quixun atu ꞌináncëxa.

Marcos 10:34

ꞌInáncëxun ca ꞌëmi cuaianan tushucanan mëëtancëxun ꞌë ꞌati ꞌicën. Usoquian ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Marcos 15:14

Cuëncëni quia cuaquin ca Pilatonën cacëxa: —¿Añu ñu ꞌaisama cara ënën ꞌax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matas.

Lucas 18:33

Usoquin bëtsi bëtsi oquin mëëtancëxuan ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Lucas 23:16

Usa ꞌain cana paë tanmitancëxuinshi cuantánun ënti ꞌain.

Juan 19:1

Usa ꞌain ca Pilátonën xubunu atsíntëcënquin Jesús rishquinun quixun suntárucama cacëxa.

Juan 19:16

Usaquian cacancëxun ca Pilátonën atúnbia i curúsocënu matásnun quixun cacëxa. Usoquian Pilátonën cacëxun ca judíos unicama cuëëncësabi oquin suntárucaman Jesús buáncëxa.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 25:9

Quia ca Festonën judíos unicamabë upí ꞌiisa tanquin Pablo cacëxa: —¿Mi ñuia quicancë bana ënë ꞌën anuxun mi mëíoxunun caina Jerusalénu cuainsa tanin?

Gálatas 1:19

Aribia Nucën ꞌIbu Jesusan aín bana ñuixunun caísa uni raíri isquinmabi cana Jacobo, Nucën ꞌIbu Jesusan xucën, ashi isacën.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.