Marcos 15:14 - Kashibo-Kakataibo Biblia

¹⁴ Cuëncëni quia cuaquin ca Pilatonën cacëxa: —¿Añu ñu ꞌaisama cara ënën ꞌax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matas.

Nukën 'Ibu Diosan ain unikama 'inan ain bana

¹⁴ Cuëncëni quia cuaquin ca Pilatonën cacëxa: —¿Añu ñu 'aisama cara ënën 'ax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matas.

Marcos 15:14 ပူးပေါင်းရင်းမြစ်များ

Salmos 69:4

Añu ñu ꞌën ꞌakë ꞌaímabi ka ax ꞌëmi nishkë unikamax ꞌitsaira ꞌaish ꞌën maxkánu ꞌikë bun ꞌitsasamaira ꞌikën; axa ꞌëmi nishkë unikamax ka ꞌitsaira ꞌikën, usa ꞌixun ka bëtsi ñu ꞌakëmabi ꞌë ꞌaisa tankania, ꞌimainun ka atun ñu mëkamakë ꞌikëmabi ꞌë ñu ꞌinánun kixun ubioia.

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Isaías 53:9

ꞌAtankëxun ka uni ꞌatimakama anu maínkë a rapasu maianan, uni bana kuakëma anu maínkë, rapasu maínti ꞌiti ꞌikën, ꞌaínbi ka ax uínsarabi uni ꞌakëma ꞌianan këmëi banakëma ꞌiti ꞌikën.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Marcos 15:13

Quixun cacëxunbi ca cuënishi munuma banaquin atun cacëxa: —Bamatanun ca i curúsocënu matas.

Marcos 15:15

Quicëbëtan ca Pilátonën unicamabë upí ꞌiisa tanquin Barrabás chiquíanan rishquimitancëxun i curúsocënu matásnun quixun Jesús atu ꞌináncëxa.

Lucas 23:21

Quicëbëbi ca munuma sharárui quicancëxa: —Bamatanun ca i curúsocënu matas, i curúsocënu ca a matas.

Lucas 23:4

Jesusan cacëxun cuaquin ca Pilátonën sacerdotenën cushicama ꞌimainun anu timë́cë unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Lucas 23:41

Asérabi cananuna nux nun ꞌucha cupí paë tanin. Usa nux ꞌaínbi ca ënë uni añu ꞌuchabi ꞌacëma ꞌicën.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Juan 18:38

Cacëxun ca Pilátonën Jesús cacëxa: —¿Uisa cara min Diosan sináncë ꞌic? Usaquin catancëx amiribishi ëman chiquíquin ca Pilátonën judíos unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Juan 19:6

Cacëx ca sacerdotenën cushicama ꞌimainun policíacamaxribi a isi munuma cuëncëni quiacëxa: —I curúsocënu ca matas, i curúsocënu ca matas. Cacëxun ca Pilátonën cacëxa: —ꞌËn iscëx ca ënë uni ꞌuchacëma ꞌicën. Usa ꞌain ca mitsúnbi buántancëxun i curúsocënu matástan.

Hechos 13:28

Jesús ꞌanuxun sináncancëbëbi ca an ñu ꞌatima ꞌacë ꞌaíma ꞌiacëxa, a cupía ꞌati. Usa ꞌaínbi ca judíos unicaman ainsa Jesús ꞌaminun quixun Pilato cacëxa.

Hechos 19:34

Cacëxbi ca —ax ca judío uni ꞌicë —quixun ꞌunani nëtëtima rabë́ horan pain munuma sharati quicancëxa: —Cushiira ca Diana ꞌicën. Efesonu ꞌicë unicaman rabicë diosa ca Diana ꞌicën.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

1 Pedro 1:19

Usama ca. Judíos unicaman aín ꞌucha cupí uisaíbi ꞌicëma carnero aín upíira rëmia ꞌaínbi ca aín imi ꞌapati Cristo bamacë a cupí mitsun ꞌucha tërë́nquin ainan ꞌinun Nucën Papa Diosan mitsu ië́miaxa.