Marcos 14:72 - Kashibo-Kakataibo Biblia

⁷² Usaía quicëbëshi ca ꞌatapa amiribishi banatëcëancëxa. Banacëbëtan ca Pedronën Jesusan ësaquin cacë a sináncëxa: Rabë́ ꞌatapa banatisama pan ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan coóncë bana sinani ca Pedro masá nuituirai bëunan mëscúacëxa.

Nukën 'Ibu Diosan ain unikama 'inan ain bana

⁷² Usaía quicëbëshi ca 'atapa amiribishi banatëcëancëxa. Banacëbëtan ca Pedronën Jesusan ësaquin cacë a sináncëxa: Rabë́ 'atapa banatisama pan 'ain camina min isamina 'ë 'unáncëma 'ai quixun rabë́ 'imainun achúshi oquin uni paránti 'ain. Usoquian Jesusan coóncë bana sinani ca Pedro masá nuituirai bëunan mëscúacëxa.

Marcos 14:72 ပူးပေါင်းရင်းမြစ်များ

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Mateo 26:34

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan ꞌatapa banatisama ꞌain, min isamina ꞌë ꞌunáncëma ꞌain quixun rabë́ ꞌimainun achúshi oquin uni paránti ꞌain.

Marcos 14:30

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan rabëti ꞌatapa banatisama pan ꞌain min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.

Marcos 14:68

Cacëxun ca Pedronën cacëxa: —ꞌËn cana a uni ꞌunáncëma ꞌain. Mixmi a ñui quicë uni a cana ꞌën ꞌunaniman. Usaquin cabiania anun atsíncë xëcuënua ꞌicë ëman cuancëbëbi ca ꞌatapa banacëxa.

Marcos 14:71

Cacëxun ca Pedronën munuma banaquin cacëxa: —ꞌËx cëmëia ca Nucën Papa Diosan ꞌë ꞌatimoti ꞌicën. An cuamainun cana asérabi mitsu cain, mixmi a ñui quicë uni a cana ꞌunaniman.

Lucas 22:60

Usaía quia ca Pedronën cacëxa: —Uisai qui caina usai quin, a cana ꞌën ꞌunaniman. Quicëbëshi ca ꞌatapa banacëxa.

Lucas 22:62

Usoquian Jesusan coóncë bana sinani ca Pedro ëman chiquiti masá nuituirai bëunan mëscüacëxa.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.