Marcos 14:44 - Kashibo-Kakataibo Biblia

⁴⁴ Usa ꞌain ca buánquin Judasnën abë cuancë unicama cacëxa: —ꞌËn bëtsucucaia isquin camina ꞌunánti ꞌain, ax ca Jesús ꞌicë quixun. ꞌUnánquin a bixun camina bërúinra oxun buánti ꞌain.

Nukën 'Ibu Diosan ain unikama 'inan ain bana

⁴⁴ Usa 'ain ca buánquin Judasnën abë cuancë unicama cacëxa: —'Ën bëtsucucaia isquin camina 'unánti 'ain, ax ca Jesús 'icë quixun. 'Unánquin a bixun camina bërúinra oxun buánti 'ain.

Marcos 14:44 ပူးပေါင်းရင်းမြစ်များ

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Proverbios 27:6

Nun ꞌunánkë unían uisakin kara nu ꞌaisatania usakin ꞌakë ax ka asábi ꞌikën, ꞌaínbi ka numi nishkë unían nu nuibakin mëkën ꞌinánkin bikë ax nun ꞌunánkë unían nu bikë usamaira.

Mateo 26:46

Cuanun ca nirucuatsin. An ꞌë unin binun ꞌinánti uni ca aia.

Marcos 14:43

Jesusan cacëbëbi ca aín ꞌunánmicë uni achúshi, Judas, ax uacëxa. Abë ca ꞌitsa uni manë xëtocë bëanan imaxu tëacë bëi uacëxa. Axa ucëcama ax ca judíos sacerdotenën cushicamabëtan an Moisésnën cuënëo bana ꞌunáncë unicama ꞌimainun caniacëcë unicamanribi Jesús binun quixun xucë ꞌiacëxa.

Marcos 14:45

Usaquian unicama cacësabi oquin ca anua ꞌicë anu bëbaquin Judas Iscariotenën, —¿ënu caina ꞌain? —caquin Jesús bëtsucucacëxa.

Hechos 16:23

Usoquin cacëxun cushíinra ꞌitsa oquin rishquitancëxun ca sipuacëxa. Sipuatancëxun ca an sipunu ꞌicë unicama bërúancë uni cacëxa, Pablocëñun camina Silas machiquitia upí oquin bërúanti ꞌai quixun.

Filipenses 1:28

Cuanan cana mitsumi nishquian unin ꞌatimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai ꞌicëbëtan ca Nucën Papa Diosan sinánmicëxun axa mimi nishcë unicaman ꞌunánti ꞌicën, ainanma ꞌaish ca atux nëtë́timoi usabi ꞌinux bamati ꞌicë quixun. ꞌUnánan ca mitsux camina ainan ꞌinux ië́cë ꞌaish Nucën Papa Diosbë ꞌiti ꞌai quixun ꞌunánti ꞌicën.

2 Tesalonicenses 3:17

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicanun quixun mitsu cain. Ënë isquin camina ꞌunánti ꞌain, ënëx ca Pablonëan cuënëocë ꞌicë quixun. Ësoquinshi cana cuënëoin.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,