Marcos 14:30 - Kashibo-Kakataibo Biblia

³⁰ Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan rabëti ꞌatapa banatisama pan ꞌain min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.

Nukën 'Ibu Diosan ain unikama 'inan ain bana

³⁰ Quia ca Jesusan cacëxa: —Asérabi cana mi cain, mix camina usai quin, 'ixunbi camina ënë ñantan rabëti 'atapa banatisama pan 'ain min isamina 'ë 'unáncëma 'ai quixun rabë́ 'imainun achúshi oquin uni paránti 'ain.

Marcos 14:30 ပူးပေါင်းရင်းမြစ်များ

Génesis 1:13

Usakin ꞌakë ꞌain bë́ankionx pë́karatëkënkë ax ka rabë́ ꞌimainun achúshi nëtë ꞌiakëxa.

Génesis 1:19

Usakin ꞌakë ꞌain bë́ankionx pë́karatëkënkë ax ka, rabë́ ꞌimainun rabë́ nëtë ꞌiakëxa.

Génesis 1:23

Usakin ꞌakë ꞌain bë́ankionx pë́karatëkënkë ax ka mapai achúshi nëtë ꞌiakëxa.

Génesis 1:5

usai ꞌia ka pë́kikë a nëtë kakin anëakëxa, anëanan ka bëánkibukë a imë́ kakin anëakëxa, usakin ꞌakëbë bëánkionxa pë́karakë ax ka achúshi nëtë ꞌiakëxa.

Génesis 1:8

Xabá chaiira a ka naí kakin anëakëxa. Usakin ꞌakë ꞌain ka bëánkionxa pë́karakë ax rabë́ nëtë ꞌiakëxa.

Mateo 26:34

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan ꞌatapa banatisama ꞌain, min isamina ꞌë ꞌunáncëma ꞌain quixun rabë́ ꞌimainun achúshi oquin uni paránti ꞌain.

Marcos 13:35

A unicaman ca uínsaran cara an atu ñu mëëmicë uni uti ꞌicë quixun ꞌunanima. Usaribiquin camina mitsun ꞌëx uti ꞌunaniman. Carana bëbaquíshcëbë uti ꞌain, carana imë́ naëx uti ꞌain, carana ꞌatapa bënë banacëbë uti ꞌain, carana pëcaracëbëa bari urucëbë uti ꞌai quixun camina ꞌunaniman. Usa ꞌain camina camabi nëtën ꞌëmi sinánquin ꞌëx uti caínti ꞌain,

Marcos 14:29

Usaía quia ca Pedronën cacëxa: —Raírinëxa mi ëbiani abácëbëbi cana ꞌëxëshi mi ëbiani abátima ꞌain.

Marcos 14:31

Cacëxun ca Pedronën ñunshínquin Jesús cacëxa: —ꞌËx mibë bamanuxunbi cana, ꞌën cana mi ꞌunáncëma ꞌai quixun uni parántima ꞌain. Ësaquian caia ca usaquinribi camaxunbi cacëxa.

Lucas 22:34

Quia ca Jesusan cacëxa: —Pedro, cana mi cain, mix camina usai quin, ꞌixunbi camina ënë ñantan ꞌatapa banatisama ꞌain, min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.

Juan 13:38

Cacëxun ca Jesusan cacëxa: —¿Asérabi caramina unin mi ꞌacascëxbi ꞌëbë cuanti ꞌain? Asérabi cana ꞌën mi cain, ꞌatapa banatisama pan ꞌain camina —ꞌën cana a uni ꞌunanima —quixun ꞌë ñuiquin rabë́ ꞌimainun achúshi oquin uni cati ꞌain.

Juan 18:17

Atsínmia ca an xëcuë bërúancë xanun Pedro cacëxa: —¿Bëría bëcancë uni an ꞌunánmicë unicama a achúshima caramina mix ꞌain? Cacëxun ca Pedronën cacëxa: —Ama cana ꞌain.

1 Corintios 10:12

Nux cananuna usai ꞌitima ꞌai quixun sinanibi camina bërúinraoracati ꞌain, usai atu mina ꞌin.