Marcos 14:22 - Kashibo-Kakataibo Biblia

²² Usaquian cacëxun pimainun ca Jesusan pán biquin, Nucën Papa Dios —asábi ca —catancëxun, pán tucapaxun ꞌinánquin atu cacëxa: —Ënë ca bit. Mitsúnmi piti pán ënëx ca ꞌë ꞌicën.

Nukën 'Ibu Diosan ain unikama 'inan ain bana

²² Usaquian cacëxun pimainun ca Jesusan pán biquin, Nucën Papa Dios —asábi ca —catancëxun, pán tucapaxun 'inánquin atu cacëxa: —Ënë ca bit. Mitsúnmi piti pán ënëx ca 'ë 'icën.

Marcos 14:22 ပူးပေါင်းရင်းမြစ်များ

Génesis 41:26

Mapai achúshi ꞌimainun rabë́ vacakama upíirabu ax ka mapai achúshi ꞌimainun rabë́ baritia ꞌikën, usaribi ka mapai achúshi ꞌimainun rabë́ trigo bimi upíirabu ax ꞌikën. Ax ka a mi namákë abi ꞌikën.

Mateo 14:19

Cacëxuan bëcëbëtan ca Jesusan basinua bucubunun quixun unicama cacëxa. Cacë́xa bucubucëbëtan ca Jesusan mëcën achúshi páncëñun tsatsa rabë́ bixun manámi bësuquin isquin Nucën Papa Dios —asábi ca —catancëxun pán tucapaxun aín ꞌunánmicë unicama ꞌináncëxa. ꞌInáncëxun ca anu ꞌicë unicama pán mëtícaquin ꞌináncëxa.

Marcos 10:16

Usaquin caquin ca tuácama ꞌicúquin biquin ramëquin Nucën Papa Dios ñucáxuancëxa.

Marcos 14:21

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Marcos 14:23

Cacëxuan a páncama pian ca Jesusan uvas baca anu ꞌarucë xampa biquin, Nucën Papa Dios pain —asábi ca —catancëxun atu ꞌináncëxa. ꞌInáncëxun ca camaxunbi ꞌacëxa.

Marcos 14:24

ꞌAia ca cacëxa: —ꞌËn imi ꞌapati ꞌëx bamacë cupí ca ꞌaisamaira uni aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Marcos 6:41

Usai unicama bucubuan ca Jesusan mëcën achúshi páncëñun tsatsa rabë́ bixun manámi bësuquin isquin Nucën Papa Dios —asábi ca —catancëxun pán tucapaxun aín ꞌunánmicë unicama ꞌináncëxa, axa bucubucë unicama ꞌinánun quixun. Usaribi oquin ca tsatsa rabë́ aribi tucapaxun ꞌináncëxa.

Lucas 22:17

Catancëxun ca anu uvas baca ꞌarucë manë xanpa biquin, Nucën Papa Dios pain —asábi ca —catancëxun, aín ꞌunánmicë unicama ꞌinánquin cacëxa: —ꞌËn cana mitsu cain, ësaquin cana uvas baca ënuxun ꞌatëcëniman. Axa ꞌApu ꞌaían Nucën Papa Diosan nëtënu aín unicamax abë ꞌicëbëtan cuni cana ꞌatëcënti ꞌain. Usa ꞌain camina ënë biquin camaxunbi ꞌati ꞌain.

Lucas 24:30

Atsíntancëx mesanu a uni rabë́bë tsóbuxun ca pán bixun —asábi ca —Nucën Papa Dios catancëxun, tucapaquin atu ꞌináncëxa.

Juan 6:23

Usaquian sinánmainun ca Tiberias ëmanuax uni raíriribi manë nunti raírinën cuanx, anuxuan Jesusan Nucën Papa Dios —asabi ca —catancëxun pán uni pimioncë, a ꞌurama bëbacëxa.

1 Corintios 10:4

Xaxunuaxa chiquícë ꞌunpáxsaribi ꞌixun ca Cristonën abë cuanquin atu cushiocëxa. Usa ꞌain ca anuaxa ꞌunpax chiquícë xaxusa Cristo ꞌiacëxa.

Gálatas 4:25

Aín bashi Sinaí ax ca Arabia menu ꞌicën. Aín bashi Sinaínuxuan abë banaquin Nucën Papa Diosan Moisés, usai ca aín unicama ꞌiti ꞌicë quixun cá bana ꞌacë cupí cana Nucën Papa Diosan uni ꞌai quixun sináncë unicamax ca Jerusalénu ꞌicë unicamasa ꞌicën. Usaquin sináncë unicamax ca Agarnën tuá ꞌiásaribi ꞌicën. Usa ꞌaish ca ësa ꞌicën. Nucën Papa Diosan, min xanun ca mi tuaxunuxun ꞌaia cá bana sinánquinma ca Abrahamnën bëchicëñu ꞌiti cuëënquinshi Agar cacë xanumi bëchiacëxa. Usa ꞌaish ca a tuá a Nucën Papa Diosan Abraham ñuixuan, ama ꞌiacëxa.