Marcos 14:2 - Kashibo-Kakataibo Biblia

² Cananíbi ca quiacëxa: —Unicamama anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Nukën 'Ibu Diosan ain unikama 'inan ain bana

² Cananíbi ca quiacëxa: —Unicamama anun rabanan nëëti tsuáquiruia, usa 'ain cananuna anun carnero 'ati nëtën bitima 'ain.

Marcos 14:2 ပူးပေါင်းရင်းမြစ်များ

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 26:5

ꞌËsë́nani ca quicancëxa: —Unicamaxma anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Marcos 11:18

Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana ꞌunáncë unicamax Jesús ꞌacatsi quiax ꞌësë́nancëxa.

Marcos 11:32

¿Caranuna —unían ꞌimicëxun ca Juanën unicama nashimiacëxa —quixun cati ꞌain? Usaquin cati ꞌaínbi ca camabi unin aín bana cuaquin —Nucën Papa Diosan ca asérabi aín bana unicama ñuixunun quixun Juan xuacëxa —quixun sinania. Usaquin sinani ca a ꞌapucamax ꞌapuma unicamami racuë́acëxa.

Marcos 14:1

Anun carnero ꞌati ꞌianan anun chamiti ñucëñunma ꞌacë pán piti nëtë ꞌitia rabë́ nëtë ꞌain ca judíos sacerdotenën cushicamabëtan an Moisésnën cuënëo bana ꞌunáncë unicaman, uisaxun caranuna ꞌanuxun Jesús, unicaman ꞌunánunmaishi, biti ꞌai quiax canancëxa.

Marcos 14:3

Betania ñacánuax ca Jesús an aín nami chëquimicë ꞌinsínñu ꞌaíshbia pëxcúcë, Simón, aín xubunua ꞌicë mesanu tsócëxa. Anu ꞌaísha mesanu tsotan ca xanu achúshinën anu sanuira sanu ꞌinínti ro, nardo cacë, ꞌarucë ñu a bëacëxa. A rox ca mëscucëma ꞌaish cupíira cupí ꞌiacëxa. Usa ꞌaínbi ca anua ꞌarucë ñu a ruruquin anun Jesusan maxcá chabócëxa.

Lucas 20:6

Nun nu, unían unicama nashiminun cacë ca Juan ꞌiacëxa quixun cati, ꞌaínbi ca ꞌapuma unicaman nu maxaxan ꞌati ꞌicën. Acaman ca aín bana cuaquin, Nucën Papa Diosan ca asérabi aín bana unicama ñuixunun quixun Juan xuacëxa quixun sinania.

Lucas 22:1

Anun chamiti ñucëñunma ꞌacë pán piti nëtë, Pascua cacë, ꞌiisama pain ꞌain,

Juan 12:19

Usaía ꞌicancëbë ca fariseo unicamax canancëxa: —Camina iscanin, camabi unix ca ami sinani a isi cuanxa. Usaía ꞌia isquin camina ꞌunáncanti ꞌain, nun Jesús ꞌacatsi quiax ꞌësë́nanquinbi cananuna añubi oiman.

Juan 7:40

Ësaquian Jesusan cacëxun cuati ca axa timëcamëꞌëocë uni raírinëx: —Ënëx ca an Nucën Papa Dios quicë bana unicama ñuixuni utinu nun caíncë a ꞌicë —quiacëxa.