Marcos 13:9 - Kashibo-Kakataibo Biblia

⁹ ꞌËmi sináncëma uni raírinën ca ꞌapucamanu ami manánuxun mitsu buánti ꞌicën. Usonan ca anua judíos unicama timë́ti xubucamanuxun mitsu manë xon rishquiti ꞌicën. Mitsúnmi ꞌën bana uni ñuixuncë cupí ca unin mitsumi nishqiun judíosma unicaman ꞌapunu mitsu buánti ꞌicën, ami mitsu ñui manánuxun. Usai ca ꞌiti ꞌicë quixun ꞌunanx camina usaía ꞌicëbë ratútima ꞌain. Usocëxunbi camina a ꞌapucama ꞌë ñuiquin bana ñuixunti ꞌain.

Nukën 'Ibu Diosan ain unikama 'inan ain bana

⁹ 'Ëmi sináncëma uni raírinën ca 'apucamanu ami manánuxun mitsu buánti 'icën. Usonan ca anua judíos unicama timë́ti xubucamanuxun mitsu manë xon rishquiti 'icën. Mitsúnmi 'ën bana uni ñuixuncë cupí ca unin mitsumi nishqiun judíosma unicaman 'apunu mitsu buánti 'icën, ami mitsu ñui manánuxun. Usai ca 'iti 'icë quixun 'unanx camina usaía 'icëbë ratútima 'ain. Usocëxunbi camina a 'apucama 'ë ñuiquin bana ñuixunti 'ain.

Marcos 13:9 ပူးပေါင်းရင်းမြစ်များ

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Marcos 1:44

—ꞌËn mi pëxcucë ñuiquin camina uinu ꞌicë unibi catima ꞌain. Caquinmabi camina cuanxun min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixuan camabi unin ꞌunánun.

Marcos 13:5

Usaquian aín ꞌunánmicë unicaman ñucácëxun ca Jesusan anun ax utëcënti nëtë ñuixunquin ësaquin cacëxa: —ꞌItsa unin ca, ꞌëx cana Cristo ꞌai, quiax quiquin ꞌitsaira uni paránuxun ꞌaia. Usoquian mitsuribi paránti rabanan camina bërúancati ꞌain.

Marcos 13:8

Bëtsi menu ꞌicë unicamax ca bëtsi menu ꞌicë unicamabë nishánani ꞌacánanti ꞌicën. ꞌImainunribi ca bëtsi menu ꞌicë ꞌapun suntárucama bëtsi menu ꞌicë suntárucamabë ꞌacánanti ꞌicën. Bëtsi bëtsi mecama ca shaíquinuxun ꞌaia. Bëtsi bëtsi nëtënu ꞌicë unicamax ca a piti ñuñuma ꞌinuxun ꞌaia. Usoquin pain tëmëratancëxunbi ca ꞌëx utëcëncëbëtainra, unin an ꞌacësamaira oquin tëmëranuxun ꞌaia.

Marcos 6:11

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain. ꞌËn cana asérabi mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu ꞌicë unicama an mitsu bicëma cupí ax ꞌiti ꞌicën.

Lucas 9:5

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 16:2

Mitsúxmi ꞌënan cupí ca anua judíos unicama timë́ti xubunu atsíntëcëanxmami ꞌinun mitsu chiquíncanuxun ꞌaia. Nucën Papa Dios cuëëncësabi oquin isa ꞌaia quixun sinánquin ca unin mitsu bëtsi bëtsi oquin ꞌati ꞌicën. Usai ꞌia camina isti ꞌain.

Hechos 21:11

Bëbax nu isi uxun anun Pablo tsitëcërëquicë, a biax anun tanëacanan anun mënëacati ca quiacëxa: —Nucën Papa Diosan Bëru Ñunshin Upí ca ësari quia: Ënën ꞌibu ca ësaribi oquin nëaxun Jerusalénu ꞌicë judíos unicaman judíosma unían binun ꞌinánti ꞌicën.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Filipenses 1:29

Nucën Papa Diosan ca Cristomi catamënun mitsu ꞌimiaxa. ꞌImianan ca ami catamëtia unin mitsumi nishquin ꞌatimocëxbimi cuëënun mitsu ꞌimiaxa.

2 Tesalonicenses 1:5

Ainan cupí usai tëmëratancëxmi mitsux aín nëtënu abë ꞌinuan an mëníocë cupí camina ꞌunánti ꞌain, Nucën Papa Dios ax ca asérabi aín sinan upí ꞌicë quixun.

2 Juan 1:8

Usa ꞌaínbi ca an mitsun a ꞌati ꞌináncë ñucamami ax quicësabi oquin sënë́onquin ꞌaia a cupí aín nëtënuxun Nucën Papa Diosan an mëníosabi oquin mitsu ꞌimiti ꞌicën. Uisaira oquin cara ꞌimiti ꞌicë usoquian mitsu ꞌiminun camina an ꞌatimaquin Cristo ñuicë unían mitsu paránunma bërúanracati ꞌain.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 2:13

ꞌËn cana ꞌunanin, anumi mitsux ꞌicë anu ca ñunshin ꞌatimanën ꞌapu, Satanás, ax cushi ꞌicën. Anu ꞌicë unicama an sinánmicëxun ꞌatima ñu ꞌacëbëtanbi camina mitsun ꞌëmi sinánti ëncëma ꞌain. Micama achúshi, Antipas cacë, ax ꞌëmi sinánti ëncëma ꞌixun ꞌë ñuiquin bana ñuixuncë cupía axa ꞌëmi sináncëma unicaman ꞌacë́xa bamacëbëtanbi camina mitsun ꞌëmi sinánti ëncëma ꞌain.