Marcos 13:7 - Kashibo-Kakataibo Biblia

⁷ Mitsun camina uni itsían —bëtsi menu ꞌicë unicamax ca bëtsibë ꞌacánania quixun ñuia cuanuxun ꞌain. Cuanan camina —raíri unicamaxribi ca raíribë ꞌacánania —quixun ñuia cuatíbi racuë́tima ꞌain. Usaía ꞌicëbëbi ca ënë mecama cëñúcëma pain ꞌiti ꞌicën.

Nukën 'Ibu Diosan ain unikama 'inan ain bana

⁷ Mitsun camina uni itsían —bëtsi menu 'icë unicamax ca bëtsibë 'acánania quixun ñuia cuanuxun 'ain. Cuanan camina —raíri unicamaxribi ca raíribë 'acánania —quixun ñuia cuatíbi racuë́tima 'ain. Usaía 'icëbëbi ca ënë mecama cëñúcëma pain 'iti 'icën.

Marcos 13:7 ပူးပေါင်းရင်းမြစ်များ

Salmos 27:3

Suntárukaman ka ꞌë bëarabuinti ꞌikën, ꞌaínbi kana ꞌën nuitu kushiokin sinani rakuëtima ꞌain; ꞌë ꞌanux ꞌëmi ꞌikuatsinuxa mëníokakëbëbi kana chuámashirua ꞌiti ꞌain.

Isaías 8:12

“Usa ꞌain kamina mitsun unëxun ënë ëmanu tsókë unikaman sinánkë bana ñui bëtsi unikama kikë a usa ka kixun sinántima ꞌain. ꞌIanan kamina atux ami rakuë́kë ñukama ami rakuë́ti ratutima ꞌain.

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 2:3

Usaía quia a bana cuati ca Herodes ꞌimainun Jerusalénu ꞌicë unicama masá nuituti, uisa cara ënë ñu ꞌiti ꞌicë quiax sináncasmacëxa.

Marcos 13:8

Bëtsi menu ꞌicë unicamax ca bëtsi menu ꞌicë unicamabë nishánani ꞌacánanti ꞌicën. ꞌImainunribi ca bëtsi menu ꞌicë ꞌapun suntárucama bëtsi menu ꞌicë suntárucamabë ꞌacánanti ꞌicën. Bëtsi bëtsi mecama ca shaíquinuxun ꞌaia. Bëtsi bëtsi nëtënu ꞌicë unicamax ca a piti ñuñuma ꞌinuxun ꞌaia. Usoquin pain tëmëratancëxunbi ca ꞌëx utëcëncëbëtainra, unin an ꞌacësamaira oquin tëmëranuxun ꞌaia.

Juan 14:1

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Hechos 17:3

Cuënëo bananu ñuicësabi oquin ꞌunánmianan ca —a bana quicësabi oi ꞌiti ꞌaish ca Cristo paë tantancëx bamatancëx baísquiaxa —quixun canan ca —ꞌën mitsu ñuixuncë Jesús abi ca axa uti nun caíncë Cristo ax ꞌicë quixun ñuixuancëxa.