Marcos 13:24 - Kashibo-Kakataibo Biblia

²⁴ Catancëxun ca Jesusan ësaquinribi aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia.

Nukën 'Ibu Diosan ain unikama 'inan ain bana

²⁴ Catancëxun ca Jesusan ësaquinribi aín 'unánmicë unicama cacëxa: —Usaía tëmërai anun uni bënë́ti nëtëcama 'icëbë ca bari bëánquinuxun 'aia, 'uxë́nribi ca pëcanuxunma 'aia.

Marcos 13:24 ပူးပေါင်းရင်းမြစ်များ

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Joel 2:10

Usa ꞌain ka an ꞌimikëx me shaíkia, ꞌimainun ka naíribi shaíkiti ꞌikën, ꞌianan ka bari ꞌimainun ꞌuxë bë́ankiti ꞌikën, ꞌimainun ka ꞌispakamanribi pëkima nëtë́ti ꞌikën.

Joel 3:15

A nëtë ꞌikëbëtan ka bari, ꞌuxë ꞌimainun ꞌispa akaman pë́katima ꞌikën.

Amós 5:20

Asérabi ka anun ꞌëx uti nëtë ax bëan bëánkibukë ꞌianan xabá ꞌitima ꞌikën; usa ꞌaish ka a nëtë anun kuëënima ꞌitsaira masá nuituti nëtë ꞌiti ꞌikën.

Marcos 13:23

Usai ꞌicëma pan ꞌaínbi ꞌën mitsu cacë ꞌaish camina a ñucama usai ꞌicëbëbi ratútima ꞌain. ꞌIanan camina unínma mitsu parania bërúancati ꞌain.

2 Pedro 3:10

Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.

2 Pedro 3:12

Usa ꞌain camina Jesucristo Nucën Papa Diosan mëníosabi oi uti caínquin unicama sinanatia ami catamënun ꞌaquinti ꞌain. A nëtën ca naíu ꞌicë ꞌuxë, bari, ꞌispa acama manë tsin rëquiruquin tsatsacacësa ꞌiti ꞌicën. Usai ꞌicëbë ca anua usa ñucama ꞌicë axribi manë tsin cëñucë ꞌiti ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.