Marcos 13:10 - Kashibo-Kakataibo Biblia

¹⁰ Usaía ꞌicëma pan ꞌain ca camabi menuxun uisai cara uni Nucën Papa Diosnan ꞌiti ꞌicë quiáxa quicë bana unin ñuixunti ꞌicën.

Nukën 'Ibu Diosan ain unikama 'inan ain bana

¹⁰ Usaía 'icëma pan 'ain ca camabi menuxun uisai cara uni Nucën Papa Diosnan 'iti 'icë quiáxa quicë bana unin ñuixunti 'icën.

Marcos 13:10 ပူးပေါင်းရင်းမြစ်များ

Mateo 12:41

Nínive cacë ëmanu ꞌicë unicamax ca ꞌaisama ꞌicëbia Jonásnën Nucën Papa Diosan bana ñuixuncëxun cuati sinanati ami sináncëxa. Jonás ꞌiásamaira cana ꞌëx ꞌain. Usa ꞌicëbi ca ënë nëtënu bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unían ñu ꞌacë isti nëtën, Nínivenu ꞌicë unicaman ënë nëtënu bucucë unicama cati ꞌicën: Mitsun Jesusan bana ñuixuncëxunbi cuacëma ꞌaish camina nux ꞌiásamaira ꞌaisama ꞌai —quixun.

Mateo 24:14

Uicamax cara ꞌëmi catamëtia acamax ca Nucën Papa Diosan nëtënu ꞌëbë ꞌiti ꞌicë quixun ꞌën mitsu cacë bana ënë ca ꞌën unicaman camabi menu ꞌicë unicaman cuanun ñuixunti ꞌicën. Usaquian camabi menu ꞌicë unicama ñuixuncëbë ca ꞌëx utëcëncëbë ënë mecama cëñúnuxun ꞌaia.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Romanos 1:8

Ësoquin pain cana mitsu cain, mitsux camina asérabi Jesucristomi catamëti quixun camabi menu ꞌicë unicaman chanioia cuaquin, cana ꞌëxribi Jesucristonan ꞌixun Nucën Papa Dios —asábi ca —quixun caquin a rabin.

Romanos 10:18

Unicaman cara a bana cuaxa quixun cana sinanin. Camaxunbi ca asérabi cuaxa, ësai Nucën Papa Diosan bana quicësabi oi: Aín unicamax ca camabi mënuxun bana ñuixuni cuanxa. Usa ꞌain ca camabi menu ꞌicë unicaman a bana ñuixunia cuaxa.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,