Marcos 12:32 - Kashibo-Kakataibo Biblia

³² Usaquian cacëxun ca an Moisésnën cuënëo bana ꞌunáncë unin cacëxa: —Usa ca. Mixmi quicë bana ax ca asérabi ꞌicën, Nucën Papa Dios, ax ca achúshishi ꞌicën. Bëtsi Dios ca ꞌaíma ꞌicën.

Nukën 'Ibu Diosan ain unikama 'inan ain bana

³² Usaquian cacëxun ca an Moisésnën cuënëo bana 'unáncë unin cacëxa: —Usa ca. Mixmi quicë bana ax ca asérabi 'icën, Nucën Papa Dios, ax ca achúshishi 'icën. Bëtsi Dios ca 'aíma 'icën.

Marcos 12:32 ပူးပေါင်းရင်းမြစ်များ

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Isaías 46:9

usai ꞌikinma kamina bërámaira ꞌia ñukama a sinánkanti ꞌain. ꞌËx kana Dios ꞌain, usa ꞌain ka bëtsi ꞌaíma ꞌikën; Dios kana ꞌëx ꞌain, usa ꞌain ka ꞌëbëtan sënën bëtsi dios ꞌaíma ꞌikën.

Marcos 12:29

Quixuan cacëxun ca Jesusan cacëxa: —Axa quicësabiira oi ꞌiti bana ax ca ësai quia: “Israel unicama, ca cuat. Nucën ꞌIbu Dios ax ca achúshi ꞌicën.

Marcos 12:33

Cëmëima asérabi cuëëni, ax cuëëncësabi oi ꞌi ami sinánan unin axa bërúancacësaribi oquin aín aintsicama nuibanan ꞌaquinsa ꞌicë ꞌaquincëbë ca Nucën Papa Dios cuëënia, judíos unían aín ꞌucha cupí ꞌaracacë ñuina rëxun xarocëbëa ꞌicësamaira oi.

Deuteronomio 4:35

Ax ka mitsun unánun usakin Nukën ꞌIbu Diosan ꞌa ꞌikën, ꞌimainun ka bëtsi Dios asérabi asaribi ꞌaíma ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

Deuteronomio 6:4

Israel unikama mitsun kamina ꞌën kakëxun kuati ꞌain, Nun ꞌIbu Dios ax ka Nukën ꞌIbu achúshishi ꞌaish ashi ꞌikën.