Marcos 12:31 - Kashibo-Kakataibo Biblia

³¹ Ënë́xribi ca a banasaribi ꞌicën: “Mixmi bëruancacësaribi oquin camina min aintsicama nuibanan ꞌaquinsa ꞌicë ꞌaquinti ꞌain”. ꞌAíma ca axa quicësabi oía uni ꞌiti ënë bana rabë́saribi bana ꞌicën.

Nukën 'Ibu Diosan ain unikama 'inan ain bana

³¹ Ënë́xribi ca a banasaribi 'icën: “Mixmi bëruancacësaribi oquin camina min aintsicama nuibanan 'aquinsa 'icë 'aquinti 'ain”. 'Aíma ca axa quicësabi oía uni 'iti ënë bana rabë́saribi bana 'icën.

Marcos 12:31 ပူးပေါင်းရင်းမြစ်များ

Levítico 19:13

Mi rapasu ꞌikë uni kamina ꞌatima okin mëëxun ꞌain ñu bikuantima ꞌain. ꞌIanan kamina an mi ñu mëëxunkë uni pëkarakëbëtan kupíoxun kakinma a nëtënbi kupíoti ꞌain.

Levítico 19:18

Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Mateo 22:39

Bëtsi bana asaribi ca ënëx ꞌicën: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”.

Mateo 7:12

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain. Usaquin ꞌanun ca Moisésnën cuënëo bana quia. ꞌImainun ca an Nucën Papa Dios quicë bana uni ñuixuncë unicaman cuënëo banaribi usai quia.

Marcos 12:32

Usaquian cacëxun ca an Moisésnën cuënëo bana ꞌunáncë unin cacëxa: —Usa ca. Mixmi quicë bana ax ca asérabi ꞌicën, Nucën Papa Dios, ax ca achúshishi ꞌicën. Bëtsi Dios ca ꞌaíma ꞌicën.

Lucas 10:27

Cacëxun ca a unin Jesús cacëxa: —Ca quia, “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain. ꞌIanan camina mixmi bërúancacësaribi oquin min aintsicama nuibanan axa ꞌaquinsa ꞌicë ꞌaquinti ꞌain”.

Gálatas 5:14

Nucën Papa Diosan bana ca quia: —“Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësa oquin ꞌacë ꞌixun camina bëtsi uni nuibati ꞌain, mix bërúancacësaribi oquin. Usoquin ꞌacë ꞌixun camina Nucën Papa Diosan bana raírinëxa quicësabi oquin ꞌacë ꞌiti ꞌain.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.