Marcos 12:24 - Kashibo-Kakataibo Biblia

²⁴ Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Nukën 'Ibu Diosan ain unikama 'inan ain bana

²⁴ Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi 'unánquinma camina usaquin 'ë ñucatin.

Marcos 12:24 ပူးပေါင်းရင်းမြစ်များ

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Oseas 6:2

An ka bënë́kinshi nun ñu ꞌatima ꞌakëkama mëníokin nukama upí ꞌimiti ꞌikën, usakin ꞌakin ka nukama an iskëx upí tsónun ꞌimiti ꞌikën.

Oseas 6:6

Usa ꞌain kana mitsunmi ꞌë nuibati a kuëënin, ꞌën kana mitsunmi ñuina rëtankëxun xaroxunti a kuëënima, usa ꞌain kamina ax ka Dios ꞌikë kixun ꞌë ꞌunánkanti ꞌain, usakin ꞌunánkin kamina ꞌë ñuina rëtankëxun ꞌaímai këñutanun xaroxunkantima ꞌain.”

Mateo 22:29

Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Marcos 10:27

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca Nucën Papa Diosan ꞌacasmati ñu ꞌaíma ꞌicën. Usa ꞌixun ca ainshi ñuñu uniribi ainan ꞌinun ië́miti ꞌicën.

Marcos 12:23

Camaxunbi ca a xanu biacëxa. ¿Usa ꞌain cara anun unicama baísquiti nëtën acama uinu ꞌicë́xira aín bënë ꞌiti ꞌic?

Marcos 12:25

Bama ꞌaish baísquiquin ca unin xanu bitima ꞌicën, aín ini bëchicë ca unin bënumitima ꞌicën. Usaribi ca naínu ꞌicë ángelcamaxribi ꞌicën.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Juan 20:9

A ñu isquinbi ca a rabëtan Nucën Papa Diosan bana cuënëo, bamatancëx ca ax baísquiti ꞌicë quiáxa quicë, a uisai quicë cara quixun ꞌunánma ꞌicën.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Romanos 15:4

Cananuna ꞌunánti ꞌain, Nucën Papa Diosan ca nunribinu a ꞌunánti oquin aín bana aín unicama cuënëomiacëxa. Usa ꞌain cananuna a banacama cupí ꞌunánti ꞌain, nux Cristomi cushicë ꞌicë ca tëmëraquinbi ëníma ami catamënun ꞌimianan, uisa ñu cara ꞌicëbëtanbi nu bërúanquin ꞌaquianan, aín nëtënu abë ꞌinun Nucën Papa Diosan nu ꞌimia quixun.

Efesios 1:19

Usaribi oquin cana mitsu ñucáxunin, uisaira cara aín cushi anúan axa ami catamëcë unicama ꞌaquinti a ꞌicë quixunmi mitsun ꞌunánun. A cushínbi ca bamacëbi baísquimixun Cristo aín nëtënu aín mëqueu ꞌaish abë ꞌApu ꞌinun ꞌimiacëxa. A cushíinra ca Nucën Papa Diosan nu ꞌaquinia.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.