Marcos 11:25 - Kashibo-Kakataibo Biblia

²⁵ Unibë ꞌaisama ꞌaish Nucën Papa Dios naínu ꞌicë abë banaquin camina axa mimi ꞌuchacë uni cupiti sinánquinma a pain manuti ꞌain, usaribi oquian Nucën Papa Diosan min ꞌucha tërë́nquin manunun.

Nukën 'Ibu Diosan ain unikama 'inan ain bana

²⁵ Unibë 'aisama 'aish Nucën Papa Dios naínu 'icë abë banaquin camina axa mimi 'uchacë uni cupiti sinánquinma a pain manuti 'ain, usaribi oquian Nucën Papa Diosan min 'ucha tërë́nquin manunun.

Marcos 11:25 ပူးပေါင်းရင်းမြစ်များ

Mateo 5:23

Usa ꞌain camina Nucën Papa Dios rabinuxun a ꞌinánti ñu bëxun —uni itsi ca ꞌëmi nishaxa —quixun sináncë ꞌixun

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Lucas 6:37

Bëtsi uni ami manánquin ꞌuchocëma ꞌicë ca Nucën Papa Diosan mitsuribi ꞌuchotima ꞌicën. ꞌImainun ca ꞌuchoquinmi uni, bëtsi uni castícanmicëma ꞌicë Nucën Papa Diosan mitsuribi ꞌuchoquin castícantima ꞌicën. Uni itsíxa mitsumi ꞌuchacëxunbi camina abë mëníonanquin manumiti ꞌain. Usoquin ꞌaími unibë mëníonania ca Nucën Papa Diosan mitsux ami ꞌuchacëxunbi mitsun ꞌucha tërë́nquin manuti ꞌicën.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Apocalipsis 11:4

An ꞌë ñuiquin unicama cati rabë́ uni axa rabë́ olivos cacë iisa ꞌimainun rabë́ anu lamparín nanti ñusa ꞌicë ax ca anua Nucën ꞌIbu Dios, axa camabi menu ꞌicë unicaman ꞌibu ꞌicë, a bëmánon nitsíncë, a ꞌicën.