Marcos 11:24 - Kashibo-Kakataibo Biblia

²⁴ Usa ꞌain cana mitsu cain, —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxunti ꞌicën.

Nukën 'Ibu Diosan ain unikama 'inan ain bana

²⁴ Usa 'ain cana mitsu cain, —asérabi ca Nucën Papa Diosan 'ën cacëxun 'ë 'axunti 'icë —quixun sinania ca an mitsúnmi ñucácësabi oquin mitsu 'axunti 'icën.

Marcos 11:24 ပူးပေါင်းရင်းမြစ်များ

Mateo 18:19

ꞌËn unicamaxa ꞌëmi sinani timë́cëbë cana ꞌëx atu nëbë́tsi ꞌain. Rabë́ ꞌimainun achúshia ꞌëmi sinani timë́cëbë cana ꞌëx atu nëbë́tsi ꞌain. ꞌImainuan rabëtaxribi timë́cë ꞌain cana ꞌëx atubë ꞌain. ꞌËx atubë ꞌixun cana añu ꞌati cara asábi ꞌicë quixun ꞌunánmiti ꞌain. Usa ꞌain cana ësaquinribi ꞌën mitsu cain, mitsu rabëtan camina uisaínu ꞌiti cara Nucën Papa Dios cuëënti ꞌicë quixun upí oquin sinántancëxun an mitsu ꞌaxunun ñucáti ꞌain. Ñucácëxun ca an mitsúnmi cacësabi oquin mitsu ꞌaxunti ꞌicën.

Mateo 21:22

Mitsun —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxúnti ꞌicën.

Marcos 11:25

Unibë ꞌaisama ꞌaish Nucën Papa Dios naínu ꞌicë abë banaquin camina axa mimi ꞌuchacë uni cupiti sinánquinma a pain manuti ꞌain, usaribi oquian Nucën Papa Diosan min ꞌucha tërë́nquin manunun.

Juan 14:13

Añu caramina ꞌën anën ñucácësa oquin ꞌëx cuëëncësabi oquin ñucati, a cana mitsu ꞌaxúnti ꞌain, Nucën Papa Dios ca cushiira ꞌicë quixuan ꞌën ꞌaia isquin unin ꞌunánun.

Juan 15:7

Mitsux ꞌëmi catamëanan ꞌën bana manuima ꞌëx quicësabi oi ꞌicë ꞌixunmi ñucácëxun ca Nucën Papa Diosan mitsúnmi cacësabi oquin mitsu ꞌaquinti ꞌicën.

1 Corintios 14:13

ꞌËx unin cuacëma banan banaquin cana Nucën Papa Dios rabiquinbi uisai carana qui quixun ꞌunaniman. Usa ꞌain ca axa unin cuacëma banan banacë uni, an unicama ñuixunuxun uisai cara a banacama quia quixuan a ꞌunánminun Nucën Papa Dios ñucáti ꞌicën.

1 Juan 3:22

Nun ax quiásabi oquin ꞌanan, ax cuëëncësabi oquin ꞌaia isquin ca an nun ñucácësabi oquin nu ꞌaxunia.