Marcos 11:20 - Kashibo-Kakataibo Biblia

²⁰ ꞌUxnëti pëcaracëbë Jerusalénu cuantëcënquin ca higuera an isóncësama ꞌicë aín tapúnmiaxbia chushicë isacëxa.

Nukën 'Ibu Diosan ain unikama 'inan ain bana

²⁰ 'Uxnëti pëcaracëbë Jerusalénu cuantëcënquin ca higuera an isóncësama 'icë aín tapúnmiaxbia chushicë isacëxa.

Marcos 11:20 ပူးပေါင်းရင်းမြစ်များ

Isaías 40:24

Usa ꞌaish ka bërí ñu ꞌapákëx, me bitsi tapunakëkëma usaribi ꞌikën, usa ꞌain ka Diosan anu ꞌibúkin bëkinun ꞌimikëxuan suñun bëkakëx chushi bamaia, usai ꞌia ka anu kushi ꞌibúkin basi chushikë ꞌakësara okinshi suñuanën tákaia.

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Mateo 13:6

Coóxbi ca uruquian barin xarocëx aín tapun ꞌaíma ꞌain chushiaxa.

Mateo 15:13

Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Mateo 21:18

Betanianu ꞌinëti Jerusalénu cuantëcëni ca Jesús panancëxa.

Marcos 11:12

Betanianu ꞌinëti Jerusalénu cuantëcëni ca Jesús panancëxa.

Marcos 11:14

Usa ꞌicë isquin ca Jesusan cacëxa: —Min camina tuatëcëniman. Achúshira unínbi ca min tuá cutëcënima. Quixuan caia ca aín ꞌunánmicë unicaman cuacëxa.

Juan 15:6

Uva pëñan bimiñuma ax ca unin tëaxun nicëx xanania. Xanania bucúnrutancëxun tsi rëquirucëmi nicëx ca xaratia. Usaribiti ca axa ꞌëmi catamëti ꞌëmi sináncëma unicamax ꞌiti ꞌicën.

Hebreos 6:8

Usa ꞌaínbi ca bëtsi me camabi ñu ꞌatima, muxa, chucu, acama anu coi canicëbë anu upí ñu ꞌiruima. Usa ꞌaish ca Nucën Papa Diosan iscëx a me ꞌaisama ꞌicën. Usa ꞌicë ca aín ꞌibun axa corucë ñucama nëënia.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.