Marcos 11:18 - Kashibo-Kakataibo Biblia

¹⁸ Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana ꞌunáncë unicamax Jesús ꞌacatsi quiax ꞌësë́nancëxa.

Nukën 'Ibu Diosan ain unikama 'inan ain bana

¹⁸ Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana 'unáncë unicamax Jesús 'acatsi quiax 'ësë́nancëxa.

Marcos 11:18 ပူးပေါင်းရင်းမြစ်များ

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

1 Reyes 22:18

Kikëbëtan ka Israelnu ꞌikë ꞌapu Ahab Josafat kakëxa: —ꞌËn kana mi kan ënë unin ka uínsaranbi upí bana ñuikin kakinma ꞌatima ñu inuti banaishi ñuikin ꞌë kaia.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Mateo 21:15

Unicama pëxcuia isanan anu ꞌicë xucamax —Davitan rëbúnqui, Nucën ꞌIbu, ax ca upíira ꞌicë —quiáxa cuëëni sharatia isi ca judíos unibunën ꞌapucama ax nishacëxa.

Mateo 7:28

An xuá ꞌixun ca Jesusan Nucën Papa Diosan cushínbi bana ñuixuancëxa. An Moisésnën cuënëo bana ꞌunáncë unicaman banasamaira ca Jesusan bana ꞌiacëxa. Jesusan bana ñuixunquin sënë́oncëbë ca an aín bana cuacë unicama ratuti —usa bana cuacëma cananuna ꞌain —quiacëxa.

Marcos 1:22

An xuá ꞌixun ca Jesusan Nucën Papa Diosan cushínbi bana ñuixuancëxa. An Moisésnën cuënëo bana ꞌunáncë unicaman banasamaira ca aín bana ꞌiacëxa. Usaquian Jesusan ñuia cuati ca a xubu anuxun Nucën Papa Dios rabiti, anu ꞌicë unicamax ratuti quiacëxa: —Usa bana cuacëma cananuna ꞌain.

Marcos 11:32

¿Caranuna —unían ꞌimicëxun ca Juanën unicama nashimiacëxa —quixun cati ꞌain? Usaquin cati ꞌaínbi ca camabi unin aín bana cuaquin —Nucën Papa Diosan ca asérabi aín bana unicama ñuixunun quixun Juan xuacëxa —quixun sinania. Usaquin sinani ca a ꞌapucamax ꞌapuma unicamami racuë́acëxa.

Marcos 12:12

An naë bërúancë unicama ñuicëbë ca judíos ꞌapucama atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin Jesús ëbiani riquiancëxa.

Marcos 3:6

Usocëbë chiquíquiani cuanx ca fariseo unicama axa Herodesmi sináncë unicamabëtan Jesús ñui, uisoxun ꞌati cara quiax ꞌësë́nancëxa.

Marcos 6:20

Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.

Lucas 19:47

Camabi nëtën ca Jesusan anuxun Nucën Papa Dios rabiti xubunuxun bana ñuixunquin unicama ꞌunánmiacëxa. Usaía ꞌia ca judíos sacerdotenën cushicama ꞌimainun an Moisésnën cuënëo bana ꞌunáncë unicama ꞌimainun aín cushi unicama a ꞌacatsi quiax ami ꞌësë́nancëxa.

Lucas 2:47

Jesusan bana cuati ca a unicama ratúacëxa. Ratuti ca —uisa ꞌixun cara ënë tuacën ënë ñucama ꞌunánan nun ñucácëxunribi upí oquin ñuia —quiax sináncasmacëxa.

Lucas 20:19

An naë bërúancë unicama ñuicëbë ca an Moisésnën cuënëo bana ꞌunáncë unicama ꞌimainun judíos sacerdotecamax atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi ca —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin biama ꞌicën.

Lucas 4:22

Cacëxuan cuati ca anu ꞌicë unicamax cuëëni —aín bana ca asábi ꞌicë —quianan —axa quicë banax ca upíira ꞌaish uni itsin banasama ꞌicë —quiax quiacëxa. Usai qui ca —¿Josénën bëchicë ꞌaíshbi cara usai banain? —quiax canancëxa.

Juan 7:1

Usaquin bana ñuixuntancëx ca judíos unicamaxa a ꞌacatsi quiax ꞌësë́nania ꞌunanx, Judea nëtënu ꞌicë ëmacamanu cuainsama tani Galilea nëtënu ꞌicë ëmacamanushi nitsi anubi Jesús ꞌiacëxa.

Juan 7:19

Moisésnën ca uisai cara Nucën Papa Diosan uni ꞌiti ꞌicë quixuan unin ꞌunánun aín bana cuënëocëxa. ¿Usa cat? Usa ꞌaínbi camina achúshi unínbi a bana quicësa oquin ꞌaiman. ¿ꞌËx Nucën Papa Diosan bana quicësabi oi uá ꞌicëbëbi caramina uisa cupí ꞌë ꞌacatsi quin?

Juan 7:46

Quixuan cacëxun ca suntárucaman cacëxa: —Axa ënë uni banacësari banacë uni ca ꞌaíma ꞌicën.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.