Marcos 11:13 - Kashibo-Kakataibo Biblia

¹³ Pananquiani cuani ca ꞌuraxun higuera nicë isbiani, bimiñu cara quixun isi cuancëxa. Cuanquin isquinbi ca tuáñuma ñancáishi ꞌaísha aín pëchishi ocëxa, higueranën, tuatisama pan ꞌain.

Nukën 'Ibu Diosan ain unikama 'inan ain bana

¹³ Pananquiani cuani ca 'uraxun higuera nicë isbiani, bimiñu cara quixun isi cuancëxa. Cuanquin isquinbi ca tuáñuma ñancáishi 'aísha aín pëchishi ocëxa, higueranën, tuatisama pan 'ain.

Marcos 11:13 ပူးပေါင်းရင်းမြစ်များ

Isaías 5:2

ꞌAnan ka meribi anu ꞌapáti buinakin anu ꞌikë maxákamaribi timëkin bukuntankëxun, anu ñu bëru upíbu kamaishi ꞌapákëxa. ꞌAtankëxun ka ñu bëru ꞌapákë a nëbëtsi achúshi torre chaiorukin ꞌanan, anuxun uvas ꞌapákë aín baka biti aribi mëníokëxa. ꞌËn ꞌunánkë unin ka an ꞌapákë uvaskama bataira ꞌitánun tuati kaíankëxa, ꞌaínbi ka uvas ꞌapákëkama an aín bimi kacha ꞌinun tuakëxa.

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.

Marcos 11:12

Betanianu ꞌinëti Jerusalénu cuantëcëni ca Jesús panancëxa.

Marcos 11:14

Usa ꞌicë isquin ca Jesusan cacëxa: —Min camina tuatëcëniman. Achúshira unínbi ca min tuá cutëcënima. Quixuan caia ca aín ꞌunánmicë unicaman cuacëxa.

Lucas 10:31

Usobiania an mëcamacë unicamax cuan ca judíos sacerdote achúshi, ax a bain uquin uni racácë mëraquin isaxa. Isquinbi ca ratáinshibianxa.

Rut 2:3

Usakian kakëx ka anua cebada ꞌapákë aín bimi bikë unikama ꞌikë anu kuankëxa. Kuanxun ka unikaman bikin ënkë cebada bimi atu kaxú kuankin anribi biakëxa, a naëx ka Booznan ꞌikë kixun ꞌunánxumabi ka usakin biakëxa, ax ka Elimélec kakë uni aín aintsi ꞌibu ꞌiakëxa.

1 Samuel 6:9

ꞌAínbi kamina ësokin ꞌunánti ꞌain: vaca rabë́ axa Bet-semes anua Israel unikama me sënë́nkë au kikiankin carreta uankë ax ka Israel unikama aín Diosan nu ꞌatimokin nu tëmëramikë ꞌikë kixun ꞌunánti aín; ꞌaínbia vaca rabë́ ax anua ain tuá ꞌikë xubu ami kikiani kuankëbëtan kananuna, ax ka an nu tëmëramikëma, nuxnu usai ꞌiti ꞌain ka ꞌia kixun ꞌunánkanti ꞌain.