Marcos 10:43 - Kashibo-Kakataibo Biblia

⁴³ Usa ꞌaínbi camina mitsux usai ꞌitima ꞌain. Uix cara bëtsi unisama ꞌiisa tania, an ca mitsúxmi upitax bucunun ñu mëëquin ꞌaquinti ꞌicën.

Nukën 'Ibu Diosan ain unikama 'inan ain bana

⁴³ Usa 'aínbi camina mitsux usai 'itima 'ain. Uix cara bëtsi unisama 'iisa tania, an ca mitsúxmi upitax bucunun ñu mëëquin 'aquinti 'icën.

Marcos 10:43 ပူးပေါင်းရင်းမြစ်များ

Marcos 10:42

Usaria isquin ca cuënxun Jesusan cacëxa: —Mitsun camina ꞌunanin, judíosma ꞌapucaman ca aín unicama ax cuëëncësabi oquian tëmëraquinbi ñu mëënun ꞌamia. Aín cushi unin ca aín unicama ax quicësabi oquian ꞌanun ꞌamia.

Marcos 10:44

Uinu ꞌicë micamax cara mitsun cushi ꞌiisa tania an ca mitsúxmi chuámarua upitax bucunun mitsu ñu ꞌaxúnti ꞌicën, ꞌën mitsu ꞌacësaribi oquin.

Marcos 9:35

Usa ꞌain ca tsóbuxun Jesusan aín ꞌunánmicë unicama cuënxun cacëxa: —Uix cara aín cushi uni ꞌiisa tania an ca cha ꞌiti sinánquinma, camabi uni upitaxa bucunun ñu mëëquinquin ꞌaquinti ꞌicën.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Lucas 22:26

Atux usa ꞌaínbi camina mitsux usai ꞌitima ꞌain. Uix cara mitsun cushi ꞌicë, ax ca cushima uni ꞌicësaribiti ꞌiti ꞌicën. An uni raíri bana ꞌináncë uni, an ca an aín bana cuacë uni usaribi ꞌixun uni itsi ñu ꞌaxunti ꞌicën.

Lucas 9:48

Nitsínxun ca aín ꞌunánmicë unicama cacëxa: —Uicaman cara ꞌëmi sinánquin ënë tuásaribi ꞌicëa, ñuumara ca, quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquin ca ꞌëishima, ꞌën Papa Dios, an ënu unun ꞌë xua, aribi ꞌaquinia. An cha ꞌiti sinánquinma uni itsi ꞌaquincë uni a ca Nucën Papa Diosan bëtsi unibëtan sënë́nmaira isia.

Juan 18:36

Cacëxun ca Jesusan cacëxa: —Ënë nëtënu ꞌicë ꞌapu ꞌinux cana uáma ꞌain. ꞌËx ënë nëtënu ꞌicë ꞌapu ꞌain ca judíos unicaman ꞌë bitima cupí ꞌën unicama atubë ꞌacanantsianxa. Usa ꞌain cana ënë nëtënu ꞌicë ꞌapu ꞌinux uáma ꞌain.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.