Marcos 10:38 - Kashibo-Kakataibo Biblia

³⁸ Cacëxun ca Jesusan cacëxa: —Sinánquinmaishi camina usaquin ꞌë cain. ¿ꞌË ꞌacësaribi oquian unin mitsu bëtsi bëtsi ocëxun caramina tanshiti ꞌain? ¿ꞌËx ꞌicësaribiti tëmëraquinbi caina tanshiti ꞌain?

Nukën 'Ibu Diosan ain unikama 'inan ain bana

³⁸ Cacëxun ca Jesusan cacëxa: —Sinánquinmaishi camina usaquin 'ë cain. ¿'Ë 'acësaribi oquian unin mitsu bëtsi bëtsi ocëxun caramina tanshiti 'ain? ¿'Ëx 'icësaribiti tëmëraquinbi caina tanshiti 'ain?

Marcos 10:38 ပူးပေါင်းရင်းမြစ်များ

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Mateo 3:6

Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Marcos 14:36

—Papan, min ꞌaisama ñu ca ꞌaíma ꞌicën. ꞌËn usoquin paë tanun ꞌë ꞌimixunma ca ꞌat. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oishi cana ꞌiti ꞌain.

Lucas 12:50

Usai ꞌia ꞌinun cana ꞌën pain ꞌaisamaira oquin tëmëraquin paë tanti ꞌain. Usaquin ꞌën tëmëraquin paë tanti ashi sënë́oncatsi cana bënëtin.

Lucas 22:42

Banaquin ca cacëxa: —Papan, mix cuëëncëbëtanma cana ꞌën bërí tëmëratima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Juan 18:11

Usoiabi ca Jesusan Pedro cacëxa: —Min manë xëtocë a ca aín xacánu ꞌarutëcën. ꞌËx ënë unicaman bicëx ꞌaisamaira tëmërati ꞌën Papa cuëëncëbë cana usai ꞌiti ꞌain.

Romanos 8:26

Uisa caranuna ꞌiti ꞌai quixun isnuxun cainia ca Nucën Papa Diosan Bëru Ñunshin Upí an nuxnu tëmëraiabi nu ꞌaquinia. An nu ꞌaquinun quixun caquinbi cananuna uisaquin cai carana Nucën Papa Diosbë banati ꞌai quixun upí oquin ꞌunaniman. Usa ꞌaínbi ca Nucën Papa Diosan Bëru Ñunshin Upí anbi nu Nucën Papa Dios ñucáxunia. Usoquin nu ꞌaquinquin ca nun nu a Nucën Papa Dios ñucácëma banacama a nu ñucáxunia.

Santiago 4:3

Ñucáquinbi camina ami ñucácë ñu a bitsiman, ax cuëëncësabi oquinmami mitsux cuëëncësa oquinshi Nucën Papa Dios ñucácë cupí.