Marcos 10:37 - Kashibo-Kakataibo Biblia

³⁷ Cacëxun ca cacëxa: —Mixmi ꞌapu ꞌaish, min nëtë upínu tsotan, ꞌën xucënaxa min mëcën amo tsómainun ꞌëx min mëcën amo tsóti cana cuëënin.

Nukën 'Ibu Diosan ain unikama 'inan ain bana

³⁷ Cacëxun ca cacëxa: —Mixmi 'apu 'aish, min nëtë upínu tsotan, 'ën xucënaxa min mëcën amo tsómainun 'ëx min mëcën amo tsóti cana cuëënin.

Marcos 10:37 ပူးပေါင်းရင်းမြစ်များ

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Marcos 10:36

Cacëxun ca Jesusan cacëxa: —¿Añu ñu ꞌën mitsu ꞌaxúnti caramina cuëënin?

Marcos 16:19

Usaquin aín ꞌunánmicë unicama catancëx ca Nucën ꞌIbu Jesus, aín mëqueu ꞌaish Nucën Papa Diosbë cushi ꞌi, naínu cuancëxa.

Marcos 8:38

Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.