Marcos 10:32 - Kashibo-Kakataibo Biblia

³² Anuax cuanx bain Jerusalénu cuani ca aín ꞌunánmicë unicamaxa uisai cara ꞌiti ꞌicë quixun sináncasmai racuëti tsiánmainun Jesús rëcuë́nquiancëxa. Rëcuë́nquiania ꞌitsa unin a nuibiancëxun ca Jesusan abëa cuanun aín ꞌunánmicë unicama mëcën rabë́ ꞌimainun rabë́ cuënquin, usai cana ꞌiti ꞌai quixun ñuixunquin, ësaquin cacëxa:

Nukën 'Ibu Diosan ain unikama 'inan ain bana

³² Anuax cuanx bain Jerusalénu cuani ca aín 'unánmicë unicamaxa uisai cara 'iti 'icë quixun sináncasmai racuëti tsiánmainun Jesús rëcuë́nquiancëxa. Rëcuë́nquiania 'itsa unin a nuibiancëxun ca Jesusan abëa cuanun aín 'unánmicë unicama mëcën rabë́ 'imainun rabë́ cuënquin, usai cana 'iti 'ai quixun ñuixunquin, ësaquin cacëxa:

Marcos 10:32 ပူးပေါင်းရင်းမြစ်များ

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 13:11

Ñucácëxun ca cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi ca raíri unin ꞌunanima.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Marcos 4:34

Bëtsi banánma ca usoquinshi Jesusan unicama ñuixuancëxa, ꞌixunbi ca aín ꞌunánmicë unicama abëa ꞌicë uisai quicë cara a banacama ꞌicë quixun ꞌunánmiacëxa.

Lucas 10:23

Catancëxun ca Jesusan uni raírinëan cuatima ꞌimainun atúinshi cuanun quixun aín ꞌunánmicë unicama ësaquin cacëxa: —ꞌËn cana mitsu cain, ꞌëx ucëma pan ꞌain ca bëráma an Nucën Papa Dios quicë bana uni ñuixuncë unicama ꞌimainun ꞌapu unicamanribi, Cristo ca uti ꞌicë quixun ꞌë ñuiquin cuënëo bana ꞌunánquin, uisai cara ꞌiti ꞌicë quixun istisa tanquinbi isáma ꞌicën. Uisa bana carana ñuixunti ꞌai quixun cuaisa tanquinbi ca cuama ꞌicën. Usa ꞌaínbi ca an, mitsun ꞌacësaribi oquin, ꞌën ñu ꞌaia isanan ꞌën uni bana ñuixunia cuacë unicamax cuëëinra cuëënia.

Lucas 19:28

Usaquin bana itsi ñuicësoquin ꞌapu ñuiquin unicama cabiani ca Jesús Jerusalénu cuanti sinánbiani cuancëxa.

Lucas 9:51

Anúan aín Papa Diosnu cuantëcënti nëtë ꞌurama ꞌain ca Jesusan Jerusalénu cuantëcënti sináncëxa.

Juan 11:16

Cacëxun ca rabë́ bacë́an ꞌicë Gemelo caquin anëcë, Tomás, an Jesusan ꞌunánmicë uni raíri cacëxa: —Nuxribi abë bamai cuanun ca cuan.

Juan 11:8

Cacëxun ca aín ꞌunánmicë unicaman cacëxa: —¿Anu ꞌicë judíos unicamaxa maxaxan mi ꞌacatsi quiax ꞌësë́naënxanbi caina amiribishi Judea nëtënu cuantëcëncatsi quin?