Marcos 10:27 - Kashibo-Kakataibo Biblia

²⁷ Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca Nucën Papa Diosan ꞌacasmati ñu ꞌaíma ꞌicën. Usa ꞌixun ca ainshi ñuñu uniribi ainan ꞌinun ië́miti ꞌicën.

Nukën 'Ibu Diosan ain unikama 'inan ain bana

²⁷ Usai quia isquin ca Jesusan cacëxa: —'Aisamaira ñuñu uníxa ië́tisama 'aínbi ca Nucën Papa Diosan 'acasmati ñu 'aíma 'icën. Usa 'ixun ca ainshi ñuñu uniribi ainan 'inun ië́miti 'icën.

Marcos 10:27 ပူးပေါင်းရင်းမြစ်များ

2 Reyes 7:2

Ësokin kakëxun ka an ꞌapu ñu mëëxunkë unin an Dios kikë bana ñuikë uni Eliseo kakëxa: —Diosan naíkamë ꞌëo xëókinun ꞌimikëbëbi ka mix kikësoibi ꞌitima ꞌikën. Usai kiabi ka Eliseonën kakëxa: —Min bërúnbi kamina usaía ꞌia ñu isti ꞌain, ꞌaínbi kamina min a ñukama pitima ꞌain.

Mateo 19:26

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca an ꞌacasmati ñu ꞌaíma ꞌain Nucën Papa Diosan ñuñu uniribi ainan ꞌinun ië́miti ꞌicën.

Marcos 10:26

Usaía quia cuati ca aín ꞌunánmicë unicama, a banax ca asérabi ꞌicë quixun sináncasmai canancëxa: —Asérabi a bana ꞌain ca ui uníxbi Nucën Papa Diosnan ꞌinux ië́tima ꞌicën.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Lucas 18:27

Cacëxun ca Jesusan cacëxa: —Axbi ië́tisama ꞌicëbi ca Nucën Papa Diosan usa uniribi ië́miti ꞌicën.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Hebreos 11:19

Buánquin ca sináncëxa: —ꞌËn bëchicë achúshi, Isaac, aín rëbúnqui ca asérabi ꞌitsaira ꞌiti ꞌicën, Nucën Papa Diosan ꞌë cacësabi oi. Usaía ꞌinun ca bamacëbi baísquimiti ꞌicë —quixun. Usaquin sinánquian Nucën Papa Diosan cacësabi oquin Abrahamnën ꞌati ꞌaíshbi ca Nucën Papa Diosan xucëxun ángelnën Abraham cacëbë Isaac bamati ꞌaíshbi ië́acëxa.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.