Marcos 10:24 - Kashibo-Kakataibo Biblia

²⁴ Usai quicëbëa ratutiabi ca aín ꞌunánmicë unicama amiribishi catëcëancëxa: —ꞌAisamaira ñuñu unix ca ainan ꞌiti ꞌaíshbi —ñuñu ꞌaish cana asábi ꞌai —quixun sinani Nucën Papa Diosnan ꞌitima ꞌicën.

Nukën 'Ibu Diosan ain unikama 'inan ain bana

²⁴ Usai quicëbëa ratutiabi ca aín 'unánmicë unicama amiribishi catëcëancëxa: —'Aisamaira ñuñu unix ca ainan 'iti 'aíshbi —ñuñu 'aish cana asábi 'ai —quixun sinani Nucën Papa Diosnan 'itima 'icën.

Marcos 10:24 ပူးပေါင်းရင်းမြစ်များ

Proverbios 23:5

Usa ꞌain ka upíokin min iskë ax bënëtishi tëtëkamë ꞌëo aín pëchi, ꞌirui nuankiani kuankë usaribi ꞌinun nëtë́tia.

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Habacuc 2:9

¡Uisa kupí kaina mëkamakë ñun mitsun aintsi ꞌibukama ñuñuira ꞌimikanin, usakin kamina mitsux ñu ꞌatima inuanan, tëmëraima isa ꞌinun kixun mitsun aintsi ꞌakanin!

Mateo 19:25

Usaía quia cuati ca aín ꞌunánmicë unicamax, a banax ca asérabi ꞌicë quixun sináncasmai —asérabi a bana ꞌain ca ui uníxbi Nucën Papa Diosnan ꞌinux ië́tima ꞌicë —quiax canancëxa.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Marcos 10:23

Usai ꞌicëbëtan ca Jesusan ñachaquin isquin aín ꞌunánmicë unicama cacëxa: —ꞌAisamaira ñuñu unix ca ainan ꞌiti ꞌaíshbi ñuñu ꞌitishi sinani Nucën Papa Diosnan ꞌitima ꞌicën.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Juan 13:33

Xënibutíma cana bënëtishi mitsubë ꞌiti ꞌain. Mitsubë ꞌitancëx cuancë camina ꞌë barinuxun ꞌain. Usa ꞌain cana ꞌën judíos unicama cacësabi oquin bërí mitsuribi cain, anu ꞌëx cuancë anu camina mitsux cuantima ꞌain.

Juan 21:5

ꞌUnáncëxunmabi ca Jesusan atu cacëxa: —¿Tsatsa caramina bicancëma ꞌain? Cacëxun ca —cananuna bicëma ꞌai —quixun cacancëxa.

Juan 6:60

Usa ꞌain ca an Jesusan bana ñuia cuacë unicama ꞌaisamaira ꞌain raírinëx quiacëxa: —Axa usai quicë bana ax ca cuaisama ꞌicën. ¿Uin cara a cuati ꞌic?

Gálatas 4:19

Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.

Apocalipsis 3:17

Mitsux camina quin, ꞌëx cana asábi ꞌain, ñuñu ꞌaish cana cha ꞌain, uisa ñu carana cuëëni, a cana bitsin. Mitsux ënë nëtënu ꞌicë ñuñu ꞌaíshbi camina Nucën Papa Diosan iscëx ñuumasa ꞌianan bëxuñusa ꞌianan chupañumasa ꞌain.