Marcos 10:2 - Kashibo-Kakataibo Biblia

² Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Unin aín xanu ënti cara asábi ꞌic?

Nukën 'Ibu Diosan ain unikama 'inan ain bana

² Usa 'ain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Unin aín xanu ënti cara asábi 'ic?

Marcos 10:2 ပူးပေါင်းရင်းမြစ်များ

Malaquías 2:16

Israel unikaman Dios kamabi kushiñu ax ka ësai kia: “¡Mitsúnbi kamina min nami bërúankati ꞌain, usai ꞌikin kamina min xanu ꞌatima otima ꞌain, ꞌën kana kamabi uni an aín xanu ënkë a kuëënima, usai ꞌi ka uni anunbi ꞌatimati ꞌuchaia!”

Mateo 15:12

Usaquian caia ca aín ꞌunánmicë unicaman Jesús nëbë́tsioraxun cacëxa: —¿Caramina isan, fariseo unicamx ca usaquinmi unicama ñuixunia cuati mimi nishaxa?

Mateo 16:1

Fariseo unicama ꞌimainun saduceo unicaman ca anu cuanxun Nucën Papa Diosan cushin caraisa ñu ꞌaia iscatsi quixun, Jesús aín sinanënbi isa unían iscëma ñu naínua ꞌanun quixun cacëxa.

Mateo 19:3

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Uisai cara ꞌiashia unin aín xanu ënti cara asábi ꞌic?

Mateo 22:35

Nëbë́tsioraquin ca an Moisésnën cuënëo bana ꞌunáncë uni achúshinën —uisaquin cara ꞌë cati ꞌicë —quixun sinánquin Jesús ësaquin ñucácëxa:

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Mateo 9:34

Quia unicama ratúmainun ca fariseo unibunëx quiacëxa: —Ñunshin ꞌatimanën ꞌapun cushínshi ca ënë unin ñunshin ꞌatima chiquinia.

Marcos 10:1

Capernaúmnuax cuanx ca Jesús Judea me, Jordán cacë baca ꞌucë manan, Perea cacë, bëbacëxa. Usaxun ca anua ꞌaisamaira uni timë́tëcënia an ꞌacësabi oquin bana ñuixuancëxa.

Marcos 10:3

Cacëxun ca Jesusan cacëxa: —¿Uisaími mitsux ꞌinun cara Moisés quiacëx?

Marcos 8:11

Cuanxa bëbacëbë ricuatsinxun ca fariseo unicaman abë cuëbicánanquin, Nucën Papa Diosan cushin caraisa ñu ꞌaia iscatsi quixun, Jesusan aín sinanënbi isa unían iscëma ñu naínua ꞌanun quixun cacëxa.

Marcos 8:15

Usa ꞌain ca Jesusan aín ꞌunánmicë unicama ësaquin ꞌësëacëxa: —Fariseo unibu ꞌimainun Herodesmi sináncë judíos unicamaxa anun pán chamiti ñusa ꞌicësa usaribi ꞌitin rabanan camina bërúancati ꞌain.

Lucas 11:39

Usaquin sinania ꞌunánquin ca Nucën ꞌIbu Jesusan cacëxa: —Mixmi fariseo uni ꞌicë cana mi cain, mitsux fariseo uni ꞌixun camina Nucën Papa Diosainsa mitsun nuitu upí isnun quixun, xanpa ꞌimainun manë ñutë, acama aín caxu chucain. Usaquin ꞌaquinbi camina mitsun nuitu mëu upíma ñu sinanin. Uni paránquin camina aín ñua mitsu ꞌinánun quixun sinánmianan ñunshínquin ñu ꞌatima ꞌati sinanin.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Lucas 5:30

Usaria isquin ca fariseo unicama ꞌimainun an Moisésnën cuënëo bana ꞌunáncë unicaman atu ꞌatimaquin ñuiquin Jesusan ꞌunánmicë unicama cacëxa: —¿Uisa cupí caramina mitsun an ꞌapu buánmiti curíqui bicë unicamabëtan pianan ꞌuchañu unicama raíribëtan pianan xëain?

Lucas 6:7

A uni isquin ca an Moisésnën cuënëo bana ꞌunáncë unicama ꞌimainun fariseo unicaman, anun ñu mëëtima nëtën caraisa uni pëxcuia quixun ami manánuxun iscatsi quixun Jesús bërúancëxa.

Lucas 7:30

Acamaxa usai quicëbëbi ca fariseo unicama ꞌimainun an Moisésnën cuënëo bana ꞌunáncë unicaman, Juanën bana cuaisama tani an nashimicë ꞌiti cuëëncëma ꞌixun, Nucën Papa Dios cuëëncësa oi ꞌiisama tanquin Jesusan banaribi cuaisama tancëxa.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Juan 11:57

Usa ꞌain ca sacerdotenën cushicamabëtan fariseocamanribi anu ꞌicë unicama —Jesús mëraquin camina nun nu binun nu cati ꞌai —quixun cacë ꞌiacëxa.

Juan 7:32

Ësaía ꞌaisamaira uni Jesús ñui quia ca fariseo unicaman cuacëxa. Cuan ca acamabëtan judíos sacerdotenën cushicaman sipuanuinsa bitánun quixun aín suntárucama xuacëxa.

Juan 7:48

Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Juan 8:6

Ami manánuxun uisai cara isa quia cuacatsi quixun ca usaquin atun Jesús cacëxa. Cacëx meu bësui tëtúbuxun ca ñucácëxunbi uni caquinma aín mëcën rëbun me cuënëocëxa.

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.