Marcos 10:14 - Kashibo-Kakataibo Biblia

¹⁴ Usaquian caia isi nishquin ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Nukën 'Ibu Diosan ain unikama 'inan ain bana

¹⁴ Usaquian caia isi nishquin ca Jesusan cacëxa: —Cuantánun caxunma ca tuá xuracama 'ënua unun ën. 'Ëmi catamëtia Nucën Papa Diosan ainan 'imicë unicamax ca ënë tuá xuracamasaribi 'icën.

Marcos 10:14 ပူးပေါင်းရင်းမြစ်များ

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Isaías 65:23

Usa ꞌain ka ꞌën unikaman ñu mëëkë ax ñankabi ꞌakëma ꞌiti ꞌikën, ꞌianan ka atun bëchikëkamax anun bamati nëtë ꞌikëma ꞌaínbi bamatima ꞌikën, atux ka ꞌën kaískë unikaman rëbúnki ꞌikën. Atux ka Nukën ꞌIbu ꞌupiokin sinánxuan unikama aín bëchikëkama ꞌikën, usa ꞌaish ka aín rëbúnkikama atúxribi usaribi ꞌiti ꞌikën.

Números 14:31

Usai atux ꞌimainun kana uin kara atun bakë bëchikëkama a ñuia abë akanankin ꞌaxuinsa bëtsi unikaman biti ꞌikë kiax kikankë akamax ishi, a ꞌinánuxun ꞌën mitsu kakëxunbimi kuëënkankëma me, anuaxa upitax kuëëni bukukanun ꞌimiti ꞌain.

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Mateo 18:4

Ui unix cara ënë tuásaribi ꞌaish cha ꞌiti sinanima ꞌëmi catamëtia, ax ca Nucën Papa Dios naínu ꞌicë an iscëx aín uni raírisamaira ꞌicën.

Mateo 19:14

Caiabi ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Mateo 5:10

Nucën Papa Dios cuëëncësabi oi ꞌicë cupía, uni itsin tëmëramicë uni, ax ca —ꞌëx cana Nucën Papa Diosnan ꞌaish aín nëtënu abë ꞌiti ꞌai —quixun sinani chuámarua tani cuëënia.

Mateo 5:3

An —ꞌënbi cana ꞌën nuitu upí ꞌimitima ꞌai —quixun ꞌunáncë uni, ax ca ꞌëmi catamëtia Nucën Papa Diosan aín nuitu upí ꞌimianan ainan ꞌimicë cupí, chuámarua tani cuëënia.

Marcos 3:5

Quiáma atu ñachai nishi masá nuituquin ca Jesusan —uisa cupí cara ënë unicama axa ꞌinsíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa.

Marcos 8:33

Cacëx cuainacëquin aín ꞌunánmicë unicama isquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. ꞌËn Papa Dios cuëëncësabi oi ꞌiaxma ꞌëx ꞌinun quixun sinánquin camina unin sináncësa oquinshi sinanin.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Hechos 2:39

Ënë banacamax ca mitsu ꞌimainun mitsun bëchicëcama ꞌimainun bëtsi unicamanribi cuati oquin Nucën Papa Diosan mënío ꞌicën. Amia sinánmisa tancë unicamanribi cuati oquin ca usoquin mëníocëxa.

Hechos 3:25

Ësoquin canan ca Pedronën ësaquinribi cacëxa: —A unicaman axa uti ñuia, ax ucë cupí camina mitsúnribi chuámarua ꞌinuxun aín bana cuati ꞌain. Usai ꞌiti oquin ca Nucën Papa Diosan bëráma mitsun rara Abraham ësaquin cacëxa: “Min rëbúnqui achúshi cupí ca camabi menu ꞌicë unicamax cuëënuxun ꞌaia”.

Romanos 11:16

Judíos unibunën ca aín ñu ꞌapácë an pain tancëma aín bimi anuxun a rabiti xubunu buáncëxa, Nucën Papa Diosan camabi aín bimi upí isnun quixun. Usaribi ca i aín tapun upí ꞌaish camabi aín pëñáncamaribi upí ꞌia. Usa ñu sinánquin cananuna ꞌunanin, judíos uni bëtsix bëtsíxa Nucën Papa Diosmi sináncë ꞌain ca atúxa ꞌicësaribiti judíos unicama camáxbi Cristomi catamëtia Nucën Papa Diosan upí isti ꞌicën.

Romanos 11:28

Nucën Papa Diosan ca unicamax Cristomi catamëtia ainan ꞌimiti ꞌicë quixun sinántisama tancë ꞌaish ca judíos unibunëx ami nishcësa ꞌicën, mitsux paínmi judíosma uni ꞌaíshbi ainan ꞌitámainun. Usa ꞌaínbi ca Nucën Papa Diosan atun rara —mitsun rëbúnqui ca ꞌënan ꞌiti ꞌicë —quixun cá ꞌixun a bana manuquinma judíos unibu nuibatia.

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

1 Corintios 7:14

Usa ꞌain ca aín xanu Jesúsmi catamëcë ꞌixun aín bënëribi Jesúsmi sinánun sinánmiti ꞌicën. Sinánmianan ca aín tuácamaribi Jesucristomi sinánun sinánmiti ꞌicën. Usaribi oquin ca aín bënën Jesúsmi catamëcë ꞌixun aín xanuribi Jesúsmi sinánun sinánmianan aín bëchicë Nucën Papa Diosan bana ꞌunánmiti ꞌicën. Usaquinmi ꞌaquincëx ca mitsun bëchicëcama ax an Nucën Papa Diosan bana cuacëma unin bëchicësa ꞌitima ꞌicën.

Efesios 4:26

Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

2 Timoteo 1:5

ꞌImainun cana mixmi asérabi Jesucristomi sinania ꞌën mi iscë a manuiman. Min chichi, Loida, ꞌimainun min tita, Eunice, axa ꞌicësaribiti camina mix asérabi Jesucristomi sináncë ꞌai quixun cana ꞌunanin.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

Apocalipsis 14:5

Ënë unicamax ca aín nuitu asérabi upí ꞌaish cëmëi banacëma ꞌaish anu Nucën Papa Dios ꞌicë aín bëmánon ꞌia.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:22

usai kuankëbëbi ax kuankinma ka Anan aín bënë kakëxa: —ꞌËx kana ꞌën tuakënpan xuma ëntamainun kuanima. Usa ꞌain kana xuma ꞌakë ënia kuni Nukën ꞌIbu ꞌën kakësabiokin ꞌaxunia anubi ꞌinun ëni kuanti ꞌain.