Marcos 10:11 - Kashibo-Kakataibo Biblia

¹¹ Ñucácëxun ca Jesusan cacëxa: —Aín xanu ënxuan an xanu itsi bicë uni ax ca a ëncë xanumi ꞌuchaia, aín xanuma ꞌaínbi xanu itsibë ꞌia ꞌicësaribiti.

Nukën 'Ibu Diosan ain unikama 'inan ain bana

¹¹ Ñucácëxun ca Jesusan cacëxa: —Aín xanu ënxuan an xanu itsi bicë uni ax ca a ëncë xanumi 'uchaia, aín xanuma 'aínbi xanu itsibë 'ia 'icësaribiti.

Marcos 10:11 ပူးပေါင်းရင်းမြစ်များ

Mateo 19:9

ꞌËn cana ësoquin mitsu cain, an aín xanúxa uni itsibë ꞌicëma ꞌicëbi ënxun, xanu itsi bicë uni ax ca ꞌuchaia, aín xanuma ꞌaínbi xanu itsibë ꞌia ꞌicësaribiti.

Marcos 10:10

Usaquian cacë ca xubunuxun aín ꞌunánmicë unicaman amiribishi unin cara aín xanu ënti ꞌicë quixun ñucátëcëancëxa.

Lucas 16:18

An aín xanu ënxun xanu itsi bicë uni ax ca ꞌuchaia, aín xanuma ꞌaínbi xanu itsibë ꞌia ꞌicësaribiti. ꞌImainun ca an uni itsin ëncë xanu bicë uni axribi ꞌuchaia, uni itsin xanubëa ꞌicësa ꞌaish.

Romanos 7:3

Aín bënë bamacëma ꞌaían bëtsi unibë ꞌiti ca ꞌucha ꞌicën. Usa ꞌaínbi ca aín bënë bamacëbëtan ꞌaisa tanquin uni itsi bënëoti ꞌicën. Usaquian bënëoti ca ꞌuchama ꞌicën.

1 Corintios 7:4

Xanux ca axëshima ꞌicën, ax ca aín bënënanribi ꞌicën. Usaribiti ca uni axëshima ꞌicën, ax ca aín xanunanribi ꞌicën.

Deuteronomio 24:2

Usakian ꞌakëx aín bënëbë ënanani ka aín xubunuax chikíkëa bëtsi unin anun kuënkin bikëxbi ka asábi ꞌiti ꞌikën;

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.