Marcos 1:24 - Kashibo-Kakataibo Biblia

²⁴ —Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Nukën 'Ibu Diosan ain unikama 'inan ain bana

²⁴ —Jesús, Nazaretnu 'icë, min caina nu uisa oti 'ain? ¿Mix caramina nu cëñui uan? 'Ën cana mi 'unan. Mix camina ainan 'aish Diosnuax ucë a 'ain.

Marcos 1:24 ပူးပေါင်းရင်းမြစ်များ

Salmos 16:10

min kamina anu uni ñuia maínkë anu ꞌikëbi ꞌë ëntima ꞌain, ¡usa ꞌain kamina an mi ñu ꞌaxunkë uni uinubi ëntima ꞌain!

Éxodo 14:12

Ësai ꞌiti ꞌunánxun kananuna Egipto menuxun mi kan: Ënuxunbi egipcio unibu ñu mëëxunun kamina nu ënti ꞌain. ¡Usa ꞌain kananuna tëmërakinbi atu ñu mëëxuni anu uni ꞌikëma menuax bamai utima ꞌian!

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 8:29

Usa ꞌixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan ꞌaínbi caramina nu ubíoi uan?

Marcos 1:23

Anu ca uni achúshi ñunshin ꞌatimañu axribi ꞌiacëxa. A unin ca munuma cuëncë́nquin Jesús cacëxa:

Marcos 1:25

Quia ca Jesusan cacëxa: —Ca nëtët. Ënë uninuax ca chiquit.

Marcos 10:47

—Nazaretnu ꞌicë Jesús ca aia —quiáxa quicania cuati cuëníshquin cacëxa: —Davitan rëbúnqui, Nucën ꞌIbu Cristo, nuibaquin ca ꞌë ꞌaquin.

Marcos 14:67

Uquinbi tsimia sënamëtia isquin ca Pedro cacëxa: —Mixribi camina Jesús, Nazaretnu ꞌicë, abë ꞌion.

Marcos 16:6

Ratutiabi ca cacëxa: —Ratúaxma ca ꞌit. Mitsun camina i curúsocënua matásëxancë Jesús, Nazaretnu ꞌicë, a barin. Ca ënuma ꞌicën, ca baísquiaxa. Anua unin racáënxancë ca is.

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu ꞌicë Jesús, a ñui ca quicanxa. An ca Nucën Papa Dios ꞌimainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin ꞌacëma ñu ꞌaxa.

Lucas 4:34

—Jesús Nazaretnu ꞌicë, ¿min caina nu uisoti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë, a ꞌain.

Lucas 8:28

ꞌItsa oquian ñunshin ꞌatimanën ꞌamicëxun ñu ꞌaia ca unin uni itsi ubíoxunma ꞌanun aín manë risin nëacëxa. Usocëxbi ca manë risi tëcapabiani ñunshin ꞌatimanën ꞌimicëx anu uni ꞌicëma menu usabii ꞌicë ꞌaish cuancëxa. Usa ꞌaísha a mërai aín bëmánon rantin purúncëxun ca Jesusan ñunshin ꞌatima —ënë uninuax ca chiquit —cacëxa. Cacëx munuma cuëncë́nquin ca Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? ꞌË tëmëramixunma ca ꞌat.

Lucas 8:37

Ñuixuncëxun ca a mecamanu ꞌicë unicaman racuë́iraquin aín nëtënuaxa cuantánun quixun Jesús cacëxa. Cacëx manë nuntinu ꞌiruquiani ca cuancëxa.

Juan 6:69

Nux mimi catamëquin cananuna ꞌunan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a ꞌain.

Hechos 24:5

Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Hechos 3:14

Usai ꞌiquin camina axa ñu ꞌatima ꞌacëma ꞌaish upíira sinánñu, a chiquínun caquinma, an uni ꞌacë uni a chiquínun quixun mitsun Pilato can.

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.

1 Juan 2:20

Usa ꞌaínbia Cristo cupí Nucën Papa Diosan Bëru Ñunshin Upí mitsubë ꞌain camina ꞌunanin, atúan Jesucristo ꞌatimaquin ñuicë banacamax ca cëmë ꞌicë quixun.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia: