Marcos 1:2 - Kashibo-Kakataibo Biblia

² An Nucën Papa Dios quicë bana unicama ñuixuncë uni, Isaías cacë, an ca Jesucristo ënë menu uti sinánquin Nucën Papa Diosan sinánmicëxun ësaquin cuënëocëxa: A caxu mi cuanun cana uni xutin. Ax pain cuanquin ca anun cuanti bai mëníoquin racanacësaribi oquin, camabi unían min bana cuanun atun nuitua upí ꞌinun sinanamiti ꞌicën.

Nukën 'Ibu Diosan ain unikama 'inan ain bana

² An Nucën Papa Dios quicë bana unicama ñuixuncë uni, Isaías cacë, an ca Jesucristo ënë menu uti sinánquin Nucën Papa Diosan sinánmicëxun ësaquin cuënëocëxa: A caxu mi cuanun cana uni xutin. Ax pain cuanquin ca anun cuanti bai mëníoquin racanacësaribi oquin, camabi unían min bana cuanun atun nuitua upí 'inun sinanamiti 'icën.

Marcos 1:2 ပူးပေါင်းရင်းမြစ်များ

Salmos 40:7

Usa ꞌain kana ꞌën mi kan: Ënu kana ꞌëx ꞌain, usai ka ꞌë ñuikin kirikanu kuënëo bana ax kia.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Mateo 11:10

Juan ñuiquian ënë menu ucëma pan ꞌicë ꞌë cacë bana a ca Nucën Papa Diosan Isaías cuënëomiacëxa, ësai quicë: A caxumi cuanun cana ꞌën uni xutin. Ax pain cuanquin ca anun cuanti bai mëníoquin racanacësaribi oquin camabi unían min bana cuanun atun nuitua upí ꞌinun sinanamiti ꞌicën.

Mateo 2:5

Ñucácëxun ca cacëxa: —Belén cacë ëma, Judea menu ꞌicë, anuax ca bacë́nti ꞌicën. An Nucën Papa Dios quicë bana uni ñuixuncë unin ca Belén ñuiquin ësoquin cuënëocëxa:

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Mateo 26:31

Anu cuantancëxun ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Lucas 1:70

Nucën Papa Diosan ca bëráma an ax quicë bana uni ñuixuncë uni upícaman —usai ca ꞌiti ꞌicë —quixun canun camiacëxa, ësaquin,

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Lucas 18:31

Bain cuanquin ca ꞌitsa uni anu ꞌaínbi Jesusan aín ꞌunánmicë unicama abëa ninun quixun cuënbianquin cacëxa: —Bërí cananuna Jerusalénu cuanin. Cuanx bëbaxnu anu ꞌain ca an Nucën Papa Dios quicë bana uni ñuixuncë unían ꞌë ñui quiásabi oi ꞌiti ꞌicën.